Last updated on October 24th, 2024 at 05:42 pm
ಕುಡ್ಲ: ಶಾಲೆ ಜೋಕುಲೆನ್ ಲೆತೊಂದು ರಿಕ್ಷಾ ಬೊಕ್ಕ ಪಿಕಪ್‌ದ ನಡುಟು ನಡತಿನ ಎಡ್ತೆಡ್ ನಾಲನೇ ಕ್ಲಾಸ್‌ದ ಪೊಣ್ಣು ತೀರ್ದಿನ ನಡಕೆ ಬೊಳ್ಮ ಗ್ರಾಮೊದ ಕಲ್ಪಾದೆ ಪನ್ಪಿನಲ್ಪ ಗುರುವಾರ ನಡತ್‌ದ್ಂಡ್.
ಬಡಕಬೈಲ್ ನಿವಾಸಿ ಮಹಮ್ಮದ್‌ ಬಿ ಮೋನು ಬೊಕ್ಕ ಮುನ್ಝಿಯಾ ದಂಪತಿಲೆನ ಮಗಲ್ ಆಯಿಷಾ ವಹಿಬಾ (11 ) ತೀರ್ದಿನ ಪೊಣ್ಣು. ಮದಕರ್ದ್ ದೇರಳಕಟ್ಟೆ ನೇತಾಜಿ ಶಾಲೆಗ್ ಜೋಕುಲೆನ್ ಲೆತೊಂದು ಬರ್ಪುನ ರಿಕ್ಷಾಗ್ ಕಲ್ಪಾದೆ ಎತ್ತೊಂದು ಬತ್ತಿಲೆಕನೆ ಎದುರುರ್ದು ಅತಿ ಬರಸ್‌ಡ್ ಬತ್ತಿನ ಪಿಕಪ್‌ ಎಡ್ತ್‌ದ್ಂಡ್.
ಎಡ್ತಿನೆರ್ದಾವರ ರಿಕ್ಷಾ ಪಲ್ಟಿಯಾದ್ ಆಯಿಷಾ ವಹಿಬಾಗ್ ಗಾತಿದ ಗಡಿಕುಲಾದ್, ಆಲೆನ್ ಆಸ್ಪತ್ರೆಗ್ ಲೆತೊಂದು ಪೋಪಿನ ಸಾದಿನಡುಟು ತೀರ್ದಲ್.
ರಿಕ್ಷಾಡಿತ್ತಿನ ಬೇತೆ ಮೂವೆರ್ ವಿದ್ಯಾರ್ಥಿಲೆಗ್ ಕಿಞ್ಞ ಕಿಞ್ಞ ಗಡಿಕುಲಾತ. ರಿಕ್ಷಾ ಡ್ರೈವರ್‌ಗ್ಲಾ ಗಡಿಕುಲಾತ. ಪೆಟ್ಟಾತಿನಕಲೆನ್ ದೇರಳಕಟ್ಟೆ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದ್ಂಡ್. ತೆನ್ಕಾಯಿ ಕುಡ್ಲ ಸಂಚಾರಿ ಠಾಣಾ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್. ಪೊಣ್ಣು ಎಡ್ತೆಡ್ ತೀರಿನೆರ್ದಾವರ ದೇರಳಕಟ್ಟೆ ನೇತಾಜಿ ಸುಭಾಷ್‌ ಚಂದ್ರ ಬೋಸ್‌ ಸರಕಾರಿ ಪೆರಿಯ ಪ್ರಾಥಮಿಕ ಶಾಲೆಗ್ ರಜೆ ಕೊರ್ದಿತ್ತೆರ್.