Last updated on October 27th, 2024 at 03:13 pm
ಮಂಜೇಶ್ವರ ಅಕ್ಟೋಬರ್ 27: ಉಸಾರಿಜ್ಜಂದಿನೆರ್ದಾವರ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಮರ್ದ್ ಮಲ್ತೊಂದಿತ್ತಿನ ಮಂಜೇಶ್ವರ ಗೋವಿಂದ ಪೈ ಸರಕಾರಿ ಕಾಲೇಜಿದ ಫಸ್ಟ್ ಡಿಗ್ರಿದ ವಿದ್ಯಾರ್ಥಿನಿ ಮುಗು ರೋಡ್‌ದ ಮುಹಮ್ಮದ್ – ಪೌಸಿಯ ದಂಪತಿಲೆನ ಮಗಲ್ ತ್ವಯಿಬಾ (18) ಮರ್ದ್ ಪಲಿಪಂದೆ ತೀರ್ದೆರ್.
ತ್ವಯಿಬಾ ಗೋವಿಂದ ಪೈ ಸರಕಾರಿ ಕಾಲೇಜಿದ ಸುರೂತ ವರ್ಸೊದ ಬಿಟಿಟಿಎಂ ವಿದ್ಯಾರ್ಥಿನಿಯಾದಿತ್ತೆರ್. ಕರಿನ ಒಂತೆ ದಿನೊರ್ದಿಂಚಿ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಮರ್ದ್ ಗೆತೊನೊಂದಿತ್ತಿನ ವಿದ್ಯಾರ್ಥಿನಿ ಮರ್ದ್ ಪಲಿಪಂದೆ ತೀರ್ದೆರ್. ಪೊಣ್ಣನ ಆಕಾಲಿಕ ಮರಣೊಗು ಮಂಜೇಶ್ವರ ಗೋವಿಂದ ಪೈ ಸರಕಾರಿ ಕಾಲೇಜಿದ ಪ್ರಾಚಾರ್ಯೆರಾಯಿನ ಮುಹಮ್ಮದ್ ಅಲಿ ಪೆರ್ಲ, ಸಿನಿಯರ್ ಸುಪರಿಂಟೆಂಡೆಂಟ್ ದಿನೇಶ್, ಕಾಲೇಜಿದ HOD, ಉಪನ್ಯಾಸಕೆರ್, ಅಧ್ಯಾಪಕೆರ್ ಅಂಚೆನೇ ವಿದ್ಯಾರ್ಥಿಲು ಸಂತಾಪ ಸೂಚಿತ್‌ದೆರ್.