Last updated on October 29th, 2024 at 08:57 am
ಲತ್ತ್ ಪ್ರಾಯದ ಪೊಣ್ಣನ ಮಿತ್ತ್ ಅತ್ಯಾಚಾರ ಮಲ್ದಿನ ಆರೋಪಿಗ್ ಕುಡ್ಲ ಜಿಲ್ಲಾ ಬೊಕ್ಕ ಸತ್ರ ನ್ಯಾಯಂತಡೆ 20 ವರ್ಸದ ಕಡ್ಪಿಲ್ಲ ವಾಸ ಶಿಕ್ಷೆ ಕೊರ್ದು ಅಕ್ಟೋಬರ್ 28 ಗು ತೀರ್ಪು ಕೊರ್ತೆರ್.
ಬಂಟ್ವಾಳದ ಬಿ ಕಸಬಾ ಗ್ರಾಮ ನೆಹರೂ ನಗರದ ಅಬುತಾಹರ್ ಅಲಿಯಾಸ್ ಶಾಝಿಲ್(20) ಗ್ ಶಿಕ್ಷೆ ಆತಿನಿ.
ಅರೋಪಿ ಅಬುತಾಹಿರ್ ಗ್ ಲತ್ತ್ ಪ್ರಾಯದ ಪೊಣ್ಣನ ಪೊಲಬು ತಾದ್ ಫೋನ್ ಡ್ ಸಂಪರ್ಕ ಇತ್ತ್ಂಡ್. 2023ತ್ತ ಜೂನ್ 22ಕ್ಕ್ ಮಡ್ಯಂತಾರ್ ಡ್ ತಿಕ್ಕ್ ಗ ಪನ್ದ್ ಅಲೆಗ್ ಪನ್ದಿತ್ತೆೆ. ಆನಿ ಶಾಲೆಗ್ ಪನ್ದ್ ಪಿದಡ್ದ್ ಬತ್ತಿನ ಪೊಣ್ಣನ್ ಆಸೆ ಮಡ್ಯಂತಾರ್ ಡ್ ಭೇಟಿಯಾದಿತ್ತೆ. ಬೊಕ್ಕ ಅಲೆನ್ ರಂದ್ ದ್ ಕುಡ್ಲಗ್ ಲೆತೊಂದು ಬತ್ತ್ ಅಲ್ಪರ್ದ್ ಗೋವಾಗ್ ಪೋವರೆ ಕುಡ್ಲ ಸೆಂಟ್ರಲ್ ರೈಲ್ ಉಂತಡೆಗ್ ಲೆತೊಂದು ಪೋದು ಅಲ್ಪ ರಾತ್ರೆ 11-12 ಗಂಟೆದ ಪೊರ್ತುಗು ಪ್ಲಾಟ್ ಫಾರಂ 3ಟ್ಟ್ ಇತ್ತಿನ ಕಾಲಿ ರೈಲ್ ಗ್ ಲೆೆತೊಂದು ಪೋದು ಅಲ್ಪ ಲೈಂಗಿಕ ದೌರ್ಜನ್ಯ ಮಲ್ದೆ ಪನ್ದ್ ತೆರಿದ್ ಬೈದ್ಂಡ್.
ಪೊಣ್ಣು ತಪ್ಪಾಡ್ದ್ ಪೋತಿನ ಬಗೆಟ್ ಅಪ್ಪೆ ಪುಂಜಾಲಕಟ್ಟೆ ಪೋಲೀಸ್ ಸ್ಟೇಷನ್ ಡ್ ಒಯುಲ್ ಕೊರ್ದಿತ್ತೆರ್. ಪೊಣ್ಣು ರಾತ್ರೆ 12 ಗಂಟೆಗ್ ಅಪ್ಪೆಗ್ ಫೋನ್ ಮಲ್ತ್ ತೆರಿಪಾದೊಲು. ಪೋಲೀಸೆರ್ ರೈಲ್ವೇ ಸ್ಟೇಷನ್ ಬತ್ತ್ ಅಕಲೆನ್ ಇರ್ವೆರೆನ್ಲಾ ಪತ್ತುದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್.