Last updated on November 4th, 2024 at 07:41 am
ಬಂಟ್ವಾಳ: ಪ್ರೈವೇಟ್ ಬಸ್ ಬೊಕ್ಕ ಬೈಕ್‌ದ ದ ನಡುಟು ಕೋಡೆ ರಾತ್ರೆ ನಡತಿನ ಎಡ್ತೆಡ್ ಒರಿ ತೀರ್ದ್, ಕುಡೊರ್ಯಗ್ ದಡೀತ ಗಡಿಕುಲಾದ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲಾದಿತ್ತ್‌ದ್ ಐಸಿಯುಡ್ ಮರ್ದ್ ನಡತೊಂದುಂಡು.
ಕಡೆಗೋಳಿ ನಿವಾಸಿ ಪ್ರವೀಣ್ (30) ಎಡ್ತೆದ ಜಾಗೆಡೇ ತೀರ್ದಿತ್ತ್‌ದ್, ಪಾಸಾಡಿ ಸಂದೀಪ್‌ಗ್ ಗಾತಿದ ಗಡಿಕುಲಾತ. ಬೇಲೆ ಮುಗಿತ್‌ದ್ ಇಲ್ಲಗ್ ಒಟ್ಟುಗು ಬರೊಂದಿತ್ತಿನ ಪೊರ್ತುಡು ಬಸ್ ಎಡ್ತ್‌ದ್ಂಡ್.
ರಾಷ್ಟ್ರೀಯ ಪೆರ್ಸಾದಿ ಕುಡ್ಲ-ಬೆಂಗ್ಳೂರು ರೋಡ್‌ದ ತುಂಬೆ ಮುಟ್ಟದ ಕಡೆಗೋಳಿ ಪನ್ಪಿನವುಲು ಕುಡ್ಲರ್ದ್ ಬಿಸಿರೋಡ್‌ದಂಚಿಗ್ ಬರೊಂದಿತ್ತಿನ ಪ್ರೈವೇಟ್ ಬಸ್ ಬೊಕ್ಕ ಬೈಕ್‌ದ ನಡುಟು ಎಡ್ತೆ ನಡತ್‌ದ್ಂಡ್.
ಬಸ್ ಡ್ರೈವರ್‌ನ ಮಿತ್ತ್ ಮೆಲ್ಕಾರ್ ಟ್ರಾಫಿಕ್ ಪೋಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್. ಜಾಗೆಗ್ ಟ್ರಾಫಿಕ್ ಎಸ್.ಐ. ಸುತೇಶ್ ಬತ್ತ್‌ದ್ ಪ್ರಕರಣ ದಾಕಲ್ತೊಂದೆರ್.