Last updated on November 5th, 2024 at 03:00 pm
ಪುತ್ತೂರು, ನ. 4 : ಕಾರ್ನಿಕ ಶಕ್ತಿಲಾಯಿನ ಕೋಟಿ-ಚೆನ್ನಯೆರ್, ದೇಯಿಬೈದೇತಿ ಗೆಜ್ಜೆಗಿರಿ ನಂದನಬಿತ್ತಿಲ್ ಮೂಲಸ್ಥಾನೊದ ಗೆಜ್ಜೆಗಿರಿ ನಿವಾಸಿ ಬೈದ್ಯೆದಿ ಲೀಲಾವತಿ ಬೈದೇತಿ (77) ಮೇರ್ ಕರ್ನಾಟಕ ಜಾನಪದ ಅಕಾಡೆಮಿ ಪ್ರಶಸ್ತಿಗ್ ಅಜತ್ ಬೈದೆರ್.
ಪಡುಮಲೆತ ಪ್ರತಿ ಮರ-ದೈ- ಬೂರುಲೆಡ್ ಸಂಜೀವಿನಿದಂಚಿನ ಮರ್ದ್‌ದ ದೃವ್ಯಗುಣೊಕುಲು ಉಲ್ಲ ಪನ್ಪಿನ ನಂಬೊಲಿಗೆ ಉಂಡು. ಮುಲ್ಪದ ಲೀಲಾವತಿ ನಾಟಿ ಬೈದ್ಯೆರಾದೇ ಮಾತೆರೆಗ್ಲಾ ಗುರ್ತ.
ಸಾರಗಟ್ಲೆ ಜನೊತ ಬದ್‌ಕ್‌ಡ್ ಅಶಾ ಕಿರಣ ಆಪಿನತ್ತಂದೆ ಬೈದ್ಯೊನು ಸೇವಾ ಯಜ್ಞದ ಲೆಕ ಮಲ್ತೊಂದು ಬರೊಂದುಲ್ಲೆರ್. ಮುಖ್ಯವಾದ್ ಸರ್ಪಸುತ್ತು, ಕೆಂಪು, ಕಣ್ಣ್‌ಮುಟ್ಟುನ, ಬಿಸುರುಪು, ಸೊರಿಯಾಸಿಸ್-ಚರ್ಮ ರೋಗೊನ್ಲಾ ಗುಣ ಮನ್ಪುನ ಮರ್ದ್ ಕೊರ್ಪುನೆಟ್ ಪುದರ್ ಪೋತಿನಾರ್.
ಜೋಕ್ಲೆನ ಮರ್ದ್, ಆರ್ಥರೈಟಿಸ್, ಬೇನೆದೆಣ್ಣೆ ಅತ್ತಂದೆ ಮೇರ್ ಮಲ್ತ್ ಕೊರ್ಪುನ ದೇಸೀ ಮರ್ದ್‌ಲೆಗ್ ಬೊಕ್ಕ ಕೇಶಕಾಂತಿ ಎಣ್ಣೆ, ದೇಯಿ-ಬೈದೈತಿ ಎಣ್ಣೆಗ್ ಬೇತೆ ಬೇತೆ ರಾಜ್ಯೊಡುಲಾ ಬೇಡಿಕೆ ಉಂಡು.
2016 ಟ್ ಮೂಲ್ಕಿ ಬಿಲ್ಲವ ಸಮಾಜ ಸೇವಾ ಸಂಘೊಡು ನಡತಿನ ಮಹಿಳಾ ಸಮಾಗಮದ ಪೊರ್ತುಡು ಮೆರೆಗ್ ಸಮ್ಮಾನ ಪುರಸ್ಕಾರ ಸಂದ್‌ದ್ಂಡ್. ಕೋಟಿ-ಚೆನ್ನಯೆರ್, ದೇಯಿ ಬೈದೇತಿ ಮೂಲಸ್ಥಾನ ಗೆಜ್ಜೆಗಿರಿಯೆಯ ನಂದನಬಿತ್ತಿಲ್‌ಡ್ ಪಿರಾಕ್‌ದ ಬೈದ್ಯ ಪದ್ಧತಿನ್ ಒರಿತೊಂದು ಬತ್ತ್‌ದೆರ್.