Last updated on November 8th, 2024 at 05:01 pm
ನ.10 ತಾನಿ ಕುಡ್ಲಡ್ ‘ನೀವಿಯಸ್‌ ಮಂಗಳೂರು ಮ್ಯಾರಥಾನ್‌ -2024’ ನಡಪರೆ ಇತ್ತ್‌ದ್ ಕಾಂಡೆ 4 ರ್ದ್ ಕಾಂಡೆ 10 ಗಂಟೆ ಮುಟ್ಟ ಗಾಡಿಲು ಪೋಪಿನ ಸಾದಿಲೆಡ್ ಪಗತೆ ಮಲ್ತ್‌ದ್ಂಡ್ ಪಂದ್ ಕುಡ್ಲ ಪೋಲೀಸ್‌ ಆಯುಕ್ತೆ ಅನುಪನ್‌ ಅಗರ್‌ವಾಲ್‌ ತೆರಿಪಾದೆರ್.
ಮ್ಯಾರಥಾನ್‌ಡ್ 5,000ರ್ದ್‌ಲಾ ಎಚ್ಚ್ ಜನ ಪಾಲ್ ಪಡೆಯೆರ ಇತ್ತ್‌ದ್, ಲಾಲ್‌ಬಾಗ್‌ ಮಂಗಳಾ ಕ್ರೀಡಾಂಗಣೊರ್ದು ಪಿದಡ್ದ್ ನಾರಾಯಣಗುರು ಸರ್ಕಲ್ (ಲೇಡಿಹಿಲ್‌), ಚಿಲಿಂಬಿ, ಉರ್ವಸ್ಟೋರ್‌, ಕೊಟ್ಟಾರ ಚೌಕಿ, ಕೋಡಿಕಲ್‌ ಕ್ರಾಸ್‌, ಕೂಳೂರು, ಕೆಐಒಸಿಎಲ್ ಜಂಕ್ಷನ್‌‌ಡೆ ಆದ್ ಎನ್‌ಎಂಪಿಎ ಸರ್ವಿಸ್ ರೋಡ್‌ಡೆ ಪೋಪುಂಡು. ಅವೆರ್ದ್ ಬೊಕ್ಕ ಡಿಕ್ಸಿ ಕ್ರಾಸ್‌ ಪಣಂಬೂರು ಬೀಚ್‌ ಸಾದಿಗ್ ತಿರ್ಗ್‌ದ್ ಪಿರ ಡಿಕ್ಸಿ ಕ್ರಾಸ್‌ ಕೆಐಒಸಿಎಲ್ ಜಂಕ್ಷನ್‌‌ಗ್ ಬರ್ಯೆರ ಇತ್ತ್‌ದ್, ಬೊಕ್ಕ ತೆನ್ರಾಯಿ ಬೀಚ್‌ ಮುಟ್ಟ ಪೋದು ಪಿರ ಕೊಟ್ಟಾರ ಚೌಕಿ, ಲೇಡಿಹಿಲ್‌ ಆದ್ ಮಂಗಳಾ ಕ್ರೀಡಾಂಗಣೊಡು ಅಕೇರಿ ಆಪುಂಡು.
ಮಣ್ಣಗುಡ್ಡೆರ್ದ್ ನಾರಾಯಣ ಗುರು ಸರ್ಕಲ್‌ದಡೆಗ್ ಮಾತಾ ಗಾಡಿಲೆನ ಸಂಚಾರ, ಉಂತಾವುನ ನಿಷೇಧ. ಉರ್ವ ಮಾರ್ಕೆಟ್‌ರ್ದ್ ನಾರಾಯಣ ಗುರು ಸರ್ಕಲ್‌ದಡೆಗ್ ಬರ್ಪಿನ ವಾಹನ ಸಂಚಾರ, ಪಾರ್ಕಿಂಗ್ ನಿಷೇಧ. ಕೆಎಸ್‌ಆರ್‌ಟಿಸಿರ್ದ್ ಲಾಲ್‌ಬಾಗ್‌ ಆದ್ ನಾರಾಯಣ ಗುರು ಸರ್ಕಲ್‌ದಡೆಗ್ ಬರ್ಪಿನ ಮಾತಾ ವಾಹನ ಸಂಚಾರ ನಿಷೇಧ. ನಾರಾಯಣ ಗುರು ಸರ್ಕಲ್‌ರ್ದ್ ಕೊಟ್ಟಾರಚೌಕಿ ಮುಟ್ಟ ರೋಡ್‌ಡ್ ಸಂಚಾರ, ಪಾರ್ಕಿಂಗ್ ನಿಷೇಧ. ಕೊಟ್ಟಾರ ಚೌಕಿರ್ದ್ ಕೋಡಿಕಲ್‌ ಕ್ರಾಸ್‌ದಂಚಿಗ್ ಪೋಪಿನ ಸರ್ವಿಸ್ ರೋಡ್‌ಡ್ ವಾಹನ ಸಂಚಾರ, ಪಾರ್ಕಿಂಗ್ ನಿಷೇಧ. ಕೋಡಿಕಲ್‌ ಕ್ರಾಸ್‌‌ರ್ದ್ ಕೂಳೂರು ಪೊಸ ಸಂಖ ಮುಟ್ಟ ಮಾತಾ ಗಾಡಿಲೆನ ಸಂಚಾರ, ಪಾರ್ಕಿಂಗ್ ನಿಷೇಧ. ತೆನ್ರಾಯಿ ಬೀಚ್‌ ರೋಡ್, ತೆನ್ರಾಯಿ ಬೀಚ್‌ ಮುಟ್ಟ ಮಾತಾ ಗಾಡಿಲೆನ ಸಂಚಾರ, ಪಾರ್ಕಿಂಗ್ ನಿಷೇಧ.
ಗಾಡಿಲು ಕೋಡಿಕಲ್‌ ಕ್ರಾಸ್‌ ಫ್ಲೈ ಓವರ್‌‌ದಲ್ಪ ಬಲಕ್ ತಿರ್ಗ್‌ದ್ ಕೂಳೂರು ಕೊಟ್ಟಾರ ಕ್ರಾಸ್‌ ವನ್-ವೇ ರೋಡ್‌ಡ್ ವಿರುದ್ಧ (ಒಪೋಸಿಟ್) ಪೋವೊಡು. ಕೂಳೂರು ಪರ ಸಂಕದಲ್ಪದ ಫ್ಲೈ ಓವರ್‌ದ ಅಕೇರಿಡ್ ಎಡಕ್ ತಿರ್ಗ್‌ದ್ ಕೂಳೂರು ಪೊಸ ಸಂಕೊಡೆ ಆದ್ ಕೆಐಓಸಿಎಲ್‌ ಆದ್ ಪೋವೊಡು. ಕಾವೂರು-ಪಂಜಿಮೊಗೇರ್ ಕಡೆರ್ದ್ ಬರ್ಪಿನ ಗಾಡಿಲು ಇಂಡಿಯನ್‌ ಆಯಿಲ್‌ ಪೆಟ್ರೋಲ್‌ ಪಂಪ್‌ ಸರ್ವಿಸ್ ರೋಡ್‌ಡೆ ಆದ್ ಒಡಿಪುದಂಚಿ ಪೋವೊಡು. ಅಶೋಕ ನಗರ, ಶೇಡಿಗುರಿ, ದಂಬೇಲ್‌, ಸುಲ್ತಾನ್‌ ಬತ್ತೇರಿ ಕಡೆರ್ದ್ ಬರ್ಪಿನ ಗಾಡಿಲು ಉರ್ವ ಮಾರ್ಕೆಟ್‌, ಮಣ್ಣಗುಡ್ಡೆ‌ಡೆ ಆದ್ ಪೋವೊಡು.