Last updated on November 16th, 2024 at 11:09 am
ಜೋಹಾನ್ಸ್‌ಬರ್ಗ್: ಡರ್ಬನ್, ಸೆಂಚೂರಿಯನ್ ಬೊಕ್ಕ ಜೋಹಾನ್ಸ್‌‌ಬರ್ಗ್‌ಡ್ಲಾ ಭಾರತೀಯ ಬ್ಯಾಟರ್‌ನಕುಲು ಎಡ್ಡೆ ಬ್ಯಾಟಿಂಗ್ ಮಲ್ತಿತ್ತ್‌ದ್ ತಿಲಕ್ ವರ್ಮಾ-ಸಂಜು ಸ್ಯಾಮನ್ ಕುಡ ಅಬ್ಬರೊಡು ಗೊಬ್ಬುದು, ಬೌಲರ್‌ನಕುಲ್ಲಾ ಚಾತುರ್ಪು ತೋಜಾದೆರ್. ತೆನ್ಕಾಯಿ ಆಫ್ರಿಕಾದ ಎದುರು 4ನೇ ಟಿ20 ಗೊಬ್ಬುಡು ಭಾರತ 135 ರನ್‌ಡ್ ಗೆಂದ್‌ದ್, 4 ಗೊಬ್ಬುಲೆನ ಸರಣಿನ್ 3-1 ಗೆಂದ್ಂಡ್.
ರನ್‌ದ ಬರ್ಸೊನು ತೂಯಿನ ಈ ಗೊಬ್ಬುಡು ಭಾರತ 1 ವಿಕೆಟ್‌ಗ್ 283 ರನ್ ಒಟ್ಟು ಮಲ್ತ್ಂಡ್. ಅ್ಂದು ಭಾರತೊದ 2ನೇ ಅಂಚೆನೇ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ಡ್ ಒಂಜಿ ಕೂಟೊದ 5ನೇ ಎಚ್ಚಿನ ರನ್. ಇಂಚಿಪೊಗು ಗಾಂಬಿಯಾ ವಿರುದ್ಧ ಜಿಂಬಾಬ್ವೆ 344 ರನ್ ಮಲ್ತಿತ್ತ್ಂಡ್. ಬಾಂಗ್ಲಾ ವಿರುದ್ದ 297 ರನ್ ಮಲ್ದಿನವು ಭಾರತೊದ ಇದಮುಟ್ಟದ ಎಚ್ಚ ರನ್.
ಸಂಜು ಅಂ.ರಾ. ಟಿ20ಡ್ 3ನೇ ಅಂಚನೇ ಈ ಸರಣಿಡ್ 2ನೇ ಶತಕ ಮಲ್ತೆರ್. 56 ಬಾಲ್‌ಡ್ ಆರ್ 6 ಫೋರ್, 9 ಸಿಕ್ಸ್ ಆಕ್‌ದಾ 109 ರನ್ ಮಲ್ದೆರ್. ತಿಲಕ್ ವರ್ಮಾ ಬೆರಿಬೆರಿ 2ನೇ ಶತಕ ಮಲ್ತೆರ್. 47 ಬಾಲ್‌ಡ್ 9
ಫೋರ್, 10 ಸಿಕ್ಸ್ ಆಕ್‌ದ್ ಅಜೇಯ 120 ರನ್ ಮಲ್ದೆರ್. ಇರ್ವೆರೆ ನಡುಟು 2ನೇ ವಿಕೆಟ್‌ಗ್ 210 ಪಾರ್ಟ್ನರ್‌ಶಿಪ್‌ಡ್ ಬತ್ತ್ಂಡ್.
ಈಡ್‌ದ ಬೆರಿಪತ್ತಿನ ತೆನ್ಕಾಯಿ ಆಫ್ರಿಕಾ ಬಾರೀ ಬ್ಯಾಟಿಂಗ್ ವೈಫಲ್ಯೊನು ತೂವೊಡಾಂಡ್. 18.2 ಓವರ್‌ಡ್ 148 ರನ್ ಮಲ್ತ್‌ದ್ ಆಲ್ ಔಟ್ ಆಂಡ್. ಅರ್ಶ್‌ದೀಪ್ ಸಿಂಗ್ 3 ವಿಕೆಟ್ ಗೆತ್ತೆರ್.