Last updated on November 16th, 2024 at 03:30 pm
ಬೈಂದೂರು: ಬಾರೀ ಬರಸ್‌ಡ್ ಮೀನ್ ಕೊನೊಪುನ ಇನ್ಸುಲೇಟರ್‌ ಗಾಡಿಯೊಂಜಿ ಕಬ್ಬೆ ಬೂರ್ದಿನ ನಡಕೆ ಶಿರೂರು ಕರಿಕಟ್ಟೆ ದಲ್ಪ ನಡತ್‌ದ್ಂಡ್. ಆಂಡ ಮುಲ್ಪ ಮೀನ್‌ದ ಪಗತೆಗ್ ಕೈಕಂಜಿಲೆನ್ ಕೊನೊವೊಂದಿಪ್ಪುನ ತೆರಿದ್ ಬೈದ್ಂಡ್.
ಗುರುವಾರ ರಾತ್ರೆ ಮಿನಿ ಇನ್ಸುಲೇಟರ್‌ ಗಾಡಿದುಲಯಿ ಮೀನ್ ದಿಂಜಿದಿನ ಟ್ರೇ ಲೆನ್ ದೀದ್ ನಡುಟು ಬೋರಿಲೆನ್ ಕೊನೊವೊಂದಿತ್ತೆರ್. ಗಾಡಿ ಭಟ್ಕಳರ್ದ್ ಬೈಂದೂರ್ ದಂಚಿ ಪೋವೊಂದುಪ್ಪುನಗ ಕರಿಕಟ್ಟೆ ದುರ್ಗಾಂಬಿಕಾ ಹಾಲ್‌‌ದ ಕೈತಲ್ ಪಲ್ಟಿಯಾತ್ಂಡ್.
ಡ್ರೈವರ್ ಅಪಗನೇ ಅಲ್ಪರ್ದ್ ಪದ್ರಾಡಾತೆ. ಬೈಂದೂರ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್. ಆರೋಪಿನ್ ಪತ್ತೆರೆ ಬೇಪು ಪಾಡ್ದೆರ್.