Last updated on November 17th, 2024 at 02:21 pm
ಕುಡ್ಲ ನವೆಂಬರ್ 17: ಪ್ರೈವೇಟ್ ಬೀಚ್ ರೆಸಾರ್ಟ್ದ ಸ್ವಿಮ್ಮಿಂಗ್ ಪೂಲ್‌ಡ್ ಮುರ್ಕ್‌ದ್ ಮೂಜಿ ಜನ ಜವನ್ದಿಯರ್ಲು ತೀರ್ದಿನ ನಡಕೆ ಸೋಮೇಶ್ವರ ಉಚ್ಚಿಲದ ವಾಝ್ಕೊ ಬೀಚ್ ರೆಸಾರ್ಟ್‌ಡ್ ನಡತ್‌ದ್ಂಡ್.
ತೀರ್ದಿನಕಲೆನ್ ಮೈಸೂರು ಕುರುಬಾರಹಳ್ಳಿ ನಾಲನೇ ಕ್ರಾಸ್ ನಿವಾಸಿ ನಿಶಿತ ಎಂ.ಡಿ. (21), ಮೈಸೂರು ರಾಮಾನುಜ ರೋಡ್, ಕೆ.ಆರ್ ಮೊಹಲ್ಲಾ ನಿವಾಸಿ ಪಾರ್ವತಿ ಎಸ್ (20), ಮೈಸೂರು ವಿಜಯ ನಗರ ದೇವರಾಜ ಮೊಹಲ್ಲ ನಿವಾಸಿ ಕೀರ್ತನ ಎನ್(21) ಪನ್ದ್ ಗುರ್ತ ಪತ್ತ್‌ದೆರ್.
ಮೂಜಿ ಜನ ಪಾಸಾಡಿಲು ಕೋಡೆ ಕಾಂಡೆ ಬೀಚ್ ರೆಸಾರ್ಟ್‌ಗ್ ಬತ್ತ್‌ದ್ ಅದೆ ಗೆತೊಂದಿತ್ತೆರ್. ಇನಿ ಕಾಂಡೆ 8.30 ಅಂದಾಜಿಗ್ ಸ್ವಿಮ್ಮಿಂಗ್ ಪೂಲ್‌ಡ್ ಮೀಂದೆರೆ ಪೋದಿತ್ತೆರ್. ಸ್ವಿಮ್ಮಿಂಗ್ ಪೂಲ್‌ಡ್ ಒಂಜಿ ಬರಿಟ್ ಆಜಿ ಫೀಟ್‌ದಾತ್ ಗಂತ್ ಇತ್ತ್ಂಡ್. ಗೊಬ್ಬುನ ಪೊರ್ತುಡು ಆಯ ತತ್ತ್‌ದ್ ಒರ್ತಿ ಜವನ್ದಿ ಮುರ್ಕುದಿನ ಸಾಧ್ಯತೆ ಇಪ್ಪು. ಆಲೆನ್ ಬದ್‌ಕಾಯೆರ ಬತ್ತಿನಾಲ್‌ಲಾ ಮುರ್ಕಿನೆರ್ದಾವರ ಮೂಜನೇ ಜವನ್ದಿಲಾ ನೀರ್‌ಗ್ ಜತ್ತ್‌ದಲ್. ಕೆಲವೇ ನಿಮಿಷೊದ ಅಂತರೊಡು ಈ ನಡಕೆ ನಡತ್‌ದ್ಂಡ್. ನಡಕೆದ ದೃಶ್ಯಾವಳಿಲು ಸಿಸಿ ಕ್ಯಾಮರಾಡ್ ಕೈದಾತ. ಜಾಗೆಗ್ ಉಳ್ಳಾಲ ಪೊಲೀಸೆರ್ ಬತ್ತ್‌ದ್ ಜಡ್ತೆ ಮಲ್ತೊಂದುಲ್ಲೆರ್.