Last updated on November 19th, 2024 at 11:18 am
ಪುತ್ತೂರು: ಪಿ.ಜಿ.ಯೊಂಜೆಟ್ ಇತ್ತಿನ ಕಾಸ್ರೋಡ್ ಮೂಲೊದ ಅಪ್ರಾಪ್ತ ಪೊಣ್ಣನ್ ಮಂಗೆ ಮಲ್ತ್ ಲೆತೊದು ಪೋದು ಲೈಂಗಿಕ ಕಿರುಕುಳ ಕೊರ್ತಿನ ಆರೋಪಡ್ ಗುಲ್ಬರ್ಗ ಮೂಲೊದ ಜವನನ ಮಿತ್ತ್ ಪುತ್ತೂರು ಮಹಿಳಾ ಪೊಲೀಸ್ ಸ್ಟೇಶನ್‌ಡ್ ಪೋಕ್ಸೋ ಪ್ರಕರಣ ದಾಕಲಾತ್ಂಡ್.
ಪುತ್ತೂರ್‌ದ ಪುಗರ್ತೆದ ಕಾಲೇಜ್ ಒಂಜೆತ ಪ್ರಥಮ ಪಿಯುಸಿ ಕಲ್ತೊಂದಿತ್ತಿನ ಪೊಣ್ಣು ಪಿ.ಜಿ.ರ್ದ್ ಕಾಲೇಜಿಗ್ ಪೋವೊಂದಿತ್ತಲ್.
ನ.16ರ್ದ್ ಆಲ್ ಪಿ.ಜಿ.ರ್ದ್ ನಾಪತ್ತೆ ಆದಿತ್ತಲ್. ಈ ಬಗೆಟ್ ಆಲೆನ ಅಪ್ಪೆ ಪುತ್ತೂರು ಮಹಿಳಾ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದಿತ್ತೆರ್.
ಅಪ್ರಾಪ್ತ ಪೊಣ್ಣನ್ ಗುಲ್ಬರ್ಗ ಮೂಲೊದ ಕಾರ್ತಿಕ್‌ ಪನ್ಪಿನಾಯೆ ಮಂಗೆ ಮಲ್ತ್‌ದ್ ಲೆತೊಂದು ಪೋದು ಲೈಂಗಿಕ ಕಿರುಕುಳ ಕೊರ್ತೆ ಪನ್ದ್ ಜಡ್ತೆದ ಪೊರ್ತುಡು ತೆರಿದ್ ಬೈದಿನೆರ್ದಾವರ ಪೋಕ್ಸೋ ಪ್ರಕರಣ ದಾಕಲ್ತೊಂದಿನ ಮಹಿಳಾ ಸ್ಟೇಷನ್ ಪೊಲೀಸೆರ್ ನ.17ತಾನಿ ಆರೋಪಿ ಕಾರ್ತಿಕ್‌ನ್ ಗುಲ್ಬರ್ಗಾಡ್ ಕೈದ್ ಮಲ್ದೆರ್.
ಕೈದಾತಿನ ಆರೋಪಿ ನ್ಯಾಯಾಂಗ ಬಂಧನೊಡು ಉಲ್ಲೆ.