Last updated on November 19th, 2024 at 01:03 pm
ಕೇರಳ ಬುಡ್ಂಡ ದೇಶೊಡೇ ಮಾತಾ ರಾಜ್ಯೊಲೆರ್ದ್ ಎಚ್ಚ ತಾರಾಯಿ ಬುಲೆಪುನ ಕರ್ನಾಟಕಡ್ಲಾ ಈ ಸರ್ತಿ ತಾರಾಯಿಗ್ ಕುಂದೆಲ್ ಆದಿತ್ತ್‌ದ್, ದಿನೊರ್ದು ದಿನೊಕು ಬಿಲೆ ಏರೊಂದುಂಡು. ಅ್ಂದುವೇ ಕಡೀರ ಸರ್ತಿ ತಾರಾಯಿದ ಬಿಲೆ 60 ರೂ.ದ ಗಡು ಕಡತ್‌ದ್ಂಡೊ. ಅ್ಂದು ತಾರಾಯಿ ಮಾರ್ಕೆಟ್‌ದ ಇದಮುಟ್ಟದ ಗರಿಷ್ಠ ಧಾರಣೆಯಾದುಂಡು.
ರೈತರೆರ್ದೇ ಎಡ್ಡೆ ಗುಣಮಟ್ಟೊದ ತಾರಾಯಿಲೆನ್ 50-52 ರೂ. ಕೊರ್ದು ವ್ಯಾಪಾರಿಲು ಗೆತೊನೊಂದಿತ್ತ್‌ದ್, ಅಂಗಡಿಲೆಡ್ 58-60 ರೂ.ಗ್ ಮಾರೊಂದುಲ್ಲೆರ್. ಕುಡ್ಲದ ಕೊಪ್ಪರ ಕೆ.ಜಿ.ಗೆ 130-140 ರೂ., ತಿಪಟೂರು ಕೊಪ್ಪರಗ್ 150 ರೂ. ರೇಟ್ ಉಂಡು.
ಇತ್ತೆ ಬೊಂತೆಲ್‌ಡ್ ದೇವಲ್ಯೊಲೆಡ್ ದೀಪೋತ್ಸವ, ಅಯ್ಯಪ್ಪ ಸ್ವಾಮಿ ವ್ರತ ಇಂಚ ಬೇತೆ ಬೇತೆ ವಿಶೇಷ ಧಾರ್ಮಿಕ ಕಾರ್ಯಕ್ರಮೊಲೆನ ಒಟ್ಟುಗು ಮದಿಮೆದಂಚಿನ ಶುಭಕಾರ್ಯೊಲುಲಾ ತೊಡಂಗುನ ಪೊರ್ತುಡು ಎಚ್ಚಾದ್ ಗಲಸುನ ತಾರಾಯಿದ ರೇಟ್ ಏರಿನೆರ್ದಾವರ ಗ್ರಾಹಕೆರೆಗ್ ಮಂಡೆಬೆಚ್ಚ ಸುರು ಆತ್ಂಡ್.