Last updated on September 8th, 2022 at 05:56 pm
ಕೆಎಸ್ಆರ್ಟಿಸಿ ಬಸ್ಸ್‌ದ ಕಂಡಕ್ಟರ್ ಒರಿ ಬಸ್ಸ್‌ಗ್ ಬರ್ತೊಂದಿಪ್ಪುನಾಯನ ತಿಗಲೆಗ್ ದೊಂಕುದು ಪಿದಯಿ ಪಾಡ್ದಿನ ವೀಡಿಯೋ ಪುತ್ತೂರ್‌ದ ಈಶ್ವರ‌ಮಂಗಿಲೊಡು ನಡತಿನ ಪನೊಂದು ಬಾರಿ ವೈರಲ್ ಆವೊಂದುಂಡು.
KA 21 F 0002 ನಂಬರ್‌ದ ಬಸ್ಸ್ ಕಂಡಕ್ಟರ್, ಒರಿಯನ್ ತೊರ್ತುದ್ ಪಿದಯಿ ಪಾಡೊಂದಿಪ್ಪುನ ವಿಡಿಯೋ ಇತ್ತೆ ವೈರಲ್ ಆವೊಂದುಂಡು. ಮಿತ್ತ್‌ರ್ದ್ ತೂನಗ ಪೆಟ್ಟ್ ತಿಂದಿನ ಜನ ಪರ್ದ್ ಟೈಟ್ ಆತಿಲೆಕ್ಕ ತೋಜುಂಡು. ಆ ಜನ ಬಸ್ಸ್‌ಗ್ ಬರ್ತ್‌ನಗನೇ ಕಂಡಕ್ಟರ್ ಆಯನ್ ಉಂತಾದ್ ಆಯನ ಕೊಡೆನ್ ಸಾದಿಗ್ ದಕ್ಕುವೆರ್. ಆ ಜನನ್ ಬಸ್ಸ್ ಬರ್ತೆರ ಬುಡರ ಬಲ್ಲಿ ಪಂದ್ ಸುರುಕ್ ಕೈಟ್ ನೋತ್‌ದ್ ಬೊಕ್ಕ ಕಾರ್‌ಡ್ ತಿಗಲೆಗ್ ದೊಂಕುದ್ ಪಿದಯಿ ಪಾಡ್ದೆರ್. ತಿರ್ತ್ ಬೂರ್ದಿನಾಯನ್ ಪಿರ ತೂವಂದೆ ಸೀದಾ ಬಸ್ಸ್ ಕೊಡೊಂಪುನೆನ್ ವೀಡಿಯೋಡ್ ತೂವೊಲಿ.
ಕಂಡಕ್ಟರ್ ಬೇಲೆ ಕಲೆವೊಂಡೆರ್: ಬಸ್ಸ್‌ಡ್ ಬರ್ಪುನಕ್‌ಲ್ ಎಂಚ ಇತ್ತೆರ್ನ್ಡಲಾ ಕಾನೂನು ಕೈಕ್ ದೆತೊಂಬಿನ ಅಧಿಕಾರ ಕಂಡಕ್ಟರ್‌ಗ್ ಇಜ್ಜಿ. ಇತ್ತೆ ತೂನಗ ಕಂಡಕ್ಟರ್‌ನನೇ ತಪ್ಪು ತೋಜೊಂದುಪ್ಪುನೆರ್ದಾವರ ಆ ಜನನ್ ಇತ್ತೆನೇ ಬೇಲೆರ್ದ್ ದೆಪ್ಪುವ ಪಂದ್ ಕೆಎಸ್ಆರ್ಟಿಸಿ ವಿಭಾಗೀಯ ನಿಯಂತ್ರಣಾಧಿಕಾರಿ ಜಯಕರ ಶೆಟ್ಟಿ ತೆರಿಪಾಯೆರ್.