Last updated on November 25th, 2024 at 04:18 pm
ಸಾಮಾಜಿಕ ಬಲೆತ್ತಾನೊಡು ಹಿಂದೂ ದೇಲಂತಡೆಲೆನ, ದೇವೆರೆನ ಬಗೆಟ್ ಅಶ್ಲೀಲ ಕಾಮೆಂಟ್ ಮಲ್ದಿನ ಪೋಕುರಿಲೆನ ಮಿತ್ತ್ ಕಾನೂನು ಕ್ರಮ ಗೆತೊನೊಡು ಪನ್ದ್ ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾ ಬೊಕ್ಕ ಭಕ್ತೆರ್ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದೆರ್.
ಹಿಂದೂ ದೇಲಂತಡೆಲೆನ ಬಗೆಟ್ ಏರೋ ಅಂಜುಮ್ ಶೇಖ್ ಪುದರ್‌ಡ್ ಶೃಂಗೇರಿ ಅಪ್ಪೆ ಶಾರದಾಂಬೆ, ಕಟೀಲ್ದಪ್ಪೆ ಕೊಲ್ಲೂರು ಅಪ್ಪೆ ಮೂಕಾಂಬಿಕೆ, ತಿರುಪತಿ, ಹೊರನಾಡು ಅನ್ನಪೂರ್ಣೇಶ್ವರಿ ಬೊಕ್ಕ ಗಣಪತಿ ದೇವೆರೆನ ಬಗೆಟ್ ಸಾಮಾಜಿಕ ಬಲೆತ್ತಾನೊಡು ಅಶ್ಲೀಲ ಕಾಮೆಂಟ್ ಮಲ್ತ್‌ದೆ.
ಅ್ಂದು ಹಿಂದೂ ಬೊಕ್ಕ ಮುಸ್ಲಿಂಮೆರೆ ನಡುಟು ಪಗೆ ಪುಟ್ಟಾವುನ ಉದ್ದೇಶೊಡು, ಬೋಡುಬೋಡೂಂದೆ ಮಲ್ದೆರ್. ಅಂಚಾದ್ ಆಯನ ಮಿತ್ತ್ ಕಾನೂನು ಕ್ರಮ ಗೆತೊನೊಡು ಪನ್ದ್ ಅಖಿಲ ಕರ್ನಾಟಕ ಬ್ರಾಹ್ಮಣ ಮಹಾಸಭಾರ್ದ್ ಬೆಂಗಳೂರ್‌ದ ಮಹಾಲಕ್ಷ್ಮೀ ಲೇಔಟ್‌ ಬೊಕ್ಕ ಹೊರನಾಡ್ ಅನ್ನಪೂರ್ಣೇಶ್ವರಿ ದೇವಲ್ಯೊದ ಭಕ್ತೆರ್ ಕಳಸ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದೆರ್.