Last updated on November 30th, 2024 at 04:07 pm
ಕೈಕಂಜಿಲೆಗ್ ಪಜಿರ್ ಕನವರೆ ಪನ್ದ್ ಇಲ್ಲದಲ್ಪದ ಗುಡ್ಡೆಗ್ ಪೋದಿತ್ತಿನ ಪೊಂಜೊವು ಒರ್ತಿನ ಪುನ ಅನುಮಾನಾಸ್ಪದವಾದ್ ಶುಕ್ರಾರ ತಿಕ್ಕುದ್ಂಡ್.
ಸರಲಬೊಟ್ಟುದ ನೆಹರೂ ನಗರದ ನಿವಾಸಿ ಪುಷ್ಪಾ ನಾಯ್ಕ್ ( 66) ಮೇರ್ ತೀರಿನಾರ್. ಮೇರ್ ಪೆತ್ತ ಕೈಕಂಜಿಲೆಗ್ ಪಜಿರ್ ಕನರೆ ಪನ್ದ್ ಇಲ್ಲ ಬೆತ್ತಡಿದ ಗುಡ್ಡೆಗ್ ನವೆಂಬರ್ 28ಗು ಬಯ್ಯಗ್ 5 ಗಂಟೆಗ್ ಪೋದಿತ್ತೆರ್. ಆಂಡ ಬೊಕ್ಕ ಇಲ್ಲಗ್ ಪಿರ ಬರಂದಿನ ತೂದು ಪೋಡಿದ್ ಇಲ್ಲದಕುಲು ಅಲ್ಪ ಪೂರಾ ನಾಡ್ನಗ ಪೊಂಜೊವು ಓಲುಲ್ಲೆರ್ ಪನ್ದ್ ತೆರಿಯಂದಿಲೆಕ್ಕ ಆದಿತ್ತ್ಂಡ್. ಮನದಾನಿ ಕಾಂಡೆ ಪೊಂಜೊವುನ ಪುನ ಇಲ್ಲರ್ದ್ 200 ಮೀ ದೂರದ ಗುಡ್ಡೆಡ್ ತೋಜಿದ್ ಬೈದ್ಂಡ್.
ಪುನ ತಿಕ್ಕಿನಪಗ ಕಂಟೆಲ್ದಲ್ಪ ಒಂತೆ ಗಡಿಕುಲು ಆತಿಲೆಕ್ಕ ತೋಜಿದ್ ಬೈದ್ಂಡ್. ಕೈಟ್ಲಾ ಒಂತೆ ಗಾಯೊಲಾದಿತ್ತ, ಅಂಚೆನೆ ಕಂಟೆಲ್ ಗ್ ಪಿಜಿನ್ ಬೈದಿತ್ತಗೆ.