ಕಾಂತಾರ ಅವಾಂತರ : ದೈವದ ಏಸ ಪಾಡೊಂದು ಮರ್ಲ್ ಗೊಬ್ಬೊಂದು ಕುಡ ತುಳುನಾಡ ಸತ್ಯೊಲೆಗ್ ಬೆಂಗಳೂರುಡು ಅವಮಾನ

Last updated on December 3rd, 2024 at 12:23 pm

ಬೆಂಗಳೂರುದ ಚಾಮರಾಜಪೇಟೆಡ್ ನಡತಿನ ರಾಜ್ಯೋತ್ಸವದ ಲೇಸ್ ಡ್ ಪಂಜುರ್ಲಿ ದೈವದ ಏಸ ಪಾಡೊಂದು ಸಚಿವೆ ಜಮೀರ್ ಅಹ್ಮದ್ ಮೆರೆನ್ ಸ್ಟೇಜ್ ಗ್ ಲೆತೊಂದಿ ಬರ್ಪಿನ ನಡಕೆ ನಡದ್ಂಡ್. ಇತ್ತೆ ಈ ನಡಕೆದ ಬಗೆಟ್ ದಡೀತ ಆಕ್ಷೇಪೊಲು ಕೇನ್ದ್ ಬರೊಂದುಂಡು.

ಈತ್ ಮಾತ್ರ ಅತ್ತಂದೆ ಕಾಂತಾರ ಪಿಚ್ಚರ್ದ ಪದ ಪಾಡ್ದ್ ಜಮೀರ್ ಮೆರೆನ ಕೈ ಪತೊಂದು ಏಸ ಪಾಡಿನಕುಲು ನಲ್ದೆರ್. ತುಳುನಾಡ್ ದ ದೈವಾರಾಧನೆಗ್ ಉಂದೆರ್ದ್ ಅಪಚಾರ ಆತ್ಂಡ್. ದೈವಾರಾಧನೆ ಸ್ಟೇಜ್ ಡ್ ಪೋದು ಏರೇರೋ ಏಸ ಪಾಡೊಂದು ಒಲ್ಪೊಲ್ಪದಕುಲು ಪೂರ ನಲ್ಪುನವು ಅತ್ತ್. ಅವ್ ತುಳುವೆರೆನ ಧಾರ್ಮಿಕ ನಂಬೊಲಿಗೆ. ಕಾಂತಾರ ಪಿಚ್ಚರ್ ಬತ್ತ್ ತುಳುನಾಡ್ ದ ದೈವಾರಾಧನೆನ್ ತಾದಿಗ್ ಕನತ್ಂಡ್ ಪನ್ದ್ ತುಳುವೆರ್ ಅಂಚೆನೆ ದೈವಾರಾಧಕೆರ್ ಪಿಸಿರಾತೆರ್.