Last updated on December 7th, 2024 at 06:44 pm
ಮಟ್ಟ್ ಗುಲ್ಲದ ದರೊಕುಲು ಇತ್ತಿನ ಪಾಕ ಎಕರೆ ಜಾಗೆಲೆಡ್ ನೀರ್ ದಿಂಜಿದ್ ಮೊರನಿದ ಬರ್ಸೊಗು ಪೂರಾ ಸತ್ಯಾನಾಸ್ ಆಂಡ್. ಇಂಚೊಗು ಬತ್ತಿನ ಬರ್ಸ ಅಂಚೆನೆ ಬೊಲ್ಲೊಗು 80 ಎಕರೆದಾತ್ ಗುಲ್ಲೊದ ಬುಲೆಕ್ ಪೆಟ್ಟ್ ಬೂರ್ದುಂಡು.
ಮುಟ್ಟ್ ಗುಲ್ಲ ಬುಲೆಪುನ ಬೆನ್ನಿದಕುಲು ಸುಮಾರ್ 85 ಜನಕ್ ಪರಿಹಾರ ಬುಡುಗಡೆ ಮಲ್ಪೊಡು ಕೃಷಿ ಇಲಾಖೆಗ್ ಆಗ್ರಹ ಮಲ್ದೆರ್. ಮಟ್ಟ್, ಕೈಪುಂಜಾಲ್, ಪಾಂಗಾಲ, ಉಲಿಯಾರಗೋಲಿ ಅಂಚೆನೆ ಕೈತಲ್ದ ಜಾಗೆಲೆಡ್ ಮಟ್ಟ್ ಗುಲ್ಲ ಬುಲೆಪುನಕಲೆಗ್ ಮೊರನಿದ ಬರ್ಸೊರ್ದು ಬಾರೀ ನಷ್ಟ ಆತ್ಂಡ್. ನೀರ್ ಬತ್ತ್ ದರೊಟು ಉಂತುಂಡ ಗುಲ್ಲದ ದೈಕುಲೆನ ಮುದೆಲ್, ದಂಟ್ ಕುರಿಯುಂಡು, ಪೂ ಬುಡ್ತಿನ ಅಂಚೆನೆ ಎಲ್ಯ ಮುಡಿ ಗುಲ್ಲೊಲು ಪೂರಾ ಮೊರನಿದ ಬರ್ಸೊ ಬೊಲ್ಲೊಗು ತಾಲ್ದ್ ಬೂರ್ದುಂಡು. ಉಂದೆನ್ ಬುಲೆಯಿನಕುಲು ಇತ್ತೆ ಮಂಡೆಬೆಚ್ಚೊಡು ಉಲ್ಲೆರ್ ಅಂಚಾದ್ ಸರಕಾರ ಸಮಗಟ್ಟ್ ಪರಿಹಾರ ಕೊರೊಡು ಪನ್ಪಿನವು ಗುಲ್ಲ ಬುಲೆಪುನ ಅಸೋಸಿಯೇಶನ್ ದಕಲೆನ ಬೇಡಿಕೆ ಆದುಂಡು.