Last updated on December 12th, 2024 at 10:14 am
ಬೊಲ್ಮಣ್: ಇತ್ತೆ ಮಾಲೆ ಪಾಡ್ದ್, ವ್ರತ ಪತ್ತ್‌ದ್, ಶಬರಿಮಲೆಕ್ ಪೋಪುನ ಪೊರ್ತು. ಲಕ್ಷಗಟ್ಲೆ ಭಕ್ತೆರ್ ಅಯ್ಯಪ್ಪನ ದರ್ಶನೊಗು ಪೋವೊಂದಿತ್ತ್‌ದ್, ಅಕ್ಲೆ ಒಟ್ಟುಗು ಕಾರ್ಲ ತಾಲೂಕ್‌ದ ಸಂಕಲಕರಿತ ಗೋಕುಲನಗರದ ಆಜಿತ್‌ ಸೆರಾವೋ ಪನ್ಪಿನ ಕ್ರಿಶ್ಚಿಯನ್ ಜವನೆಲಾ ಮಾಲೆ ಪಾಡ್ದ್ ಪೋವೊಂದುಲ್ಲೆರ್.
ಉಂದು ಮೆರೆನ 18ನೇ ವರ್ಸೊದ ಯಾತ್ರೆ!
ದಿ| ವಿಲಿಯಂ ಸೆರಾವೋ, ದುಲ್ಸಿನ್‌ ಸೆರಾವೋ ದಂಪತಿಲೆನ ಅಮರ್ ಆಣ್ ಜೋಕುಲೆಡ್ ಒರಿಯಾಯಿನ ಅಜಿತ್‌ ಬೇಲೆಡ್ ಎಲೆಕ್ಟ್ರೀಷಿಯನ್. 18 ವರ್ಸೊಗು ಪಿರವು ಪುರಲ್‌ದ ಗುರುಸ್ವಾಮಿಯೊರಿಯರ್ದ್ ಪ್ರಭಾವಿತೆರಾದ್ ಮಾಲೆ ಪಾಡ್ದಿತ್ತೆರ್. ಕೊರೊನಾ ಪೊರ್ತುಡ್ಲಾ ಅಯ್ಯಪ್ಪನ ದರ್ಶನ ತಪ್ಪಾದಿಜ್ಜಂಡ್. ಅಜಿತ್‌ ಕರಿನ 17 ವರ್ಸೊಡು 5 ಸರ್ತಿ ಕಾಡಸಾದಿಡ್ ಪೋದು ಅಯ್ಯಪ್ಪನ ದರ್ಶನ ಮಲ್ತ್‌ದೆರ್. ಅಮ್ಮೆರ್ ತೀರಿನ ವರ್ಸೊಡು ಮಾಲೆ ಪಾಡ್ದಿಜ್ಜಂಡ್.
ತನ್ನ ಈ ಪುಣ್ಯ ಕಾರ್ಯೊಗು ಇಲ್ಲದಕುಲು, ಮುಟ್ಟದಕುಲು ಸೇರ್ದ್ ಮಾತ ಧರ್ಮದಕುಲೆನಲಾ ಬೆರಿಸಾಯ ಉಂಡು. ಅಯ್ಯಪ್ಪನ ಮಿತ್ತ್‌ ಎನ್ನ ವಿಶ್ವಾಸ ಏಪೊಗ್ಲಾ ಕಮ್ಮಿ ಆಪುಜಿ.
ವ್ರತ ನಿಷ್ಠೆರಾದ್, ವ್ಯಸನ ಮುಕ್ತೆರಾದ್ ಬದ್‌ಕೆರೆ ಈ ಮಾಲೆ ಪಾಡುನವು ಪೂರಕ ಪನ್ದ್ ಪನ್ಪೆರ್ ಅಜಿತ್‌ ಸೆರಾವೋ.