Last updated on October 7th, 2022 at 09:12 pm
ಕೋಡೆ ಆತೇ ರಾಜ್ ಸೌಂಡ್ಸ್ & ಲೈಟ್ಸ್ ತುಳು ಪಿಚ್ಚರ್ದ ನೂದನೇ ದಿನತ ಗೌಜಿದ ಲೇಸ್ ಕುಡ್ಲದ ಟೌನ್-ಹಾಲ್‌ಡ್ ನಡತ್ಂಡ್. ತುಳು ಪಿಚ್ಚರ್ ನೂದು ದಿನ ಬಲ್ಪುನವೇ ಮಲ್ಲ ಇಸೇಸದ ಸಂಗತಿ ಅಂಚಾದುಪ್ಪುನಗ ಪೊಸ ಪುನೆಪುದ ಪೊಸ ಜವನೆರ್ನ ತಂಡ ಒಂಜಿ ಎಡ್ಡೆ ತುಳು ಪಿಚ್ಚರ್ ಮಲ್ತ್‌ದ್ ಅವ್ ತುಳುನಾಡ್‌ಡ್ ಮಾತ್ರ ಅತ್ತಂದೆ ಪಿದಯೂರುಡ್ಲಾ ಪುಗಾರ್ತೆ ಪಡೆಯಿನವು ತುಳು ಸಿನಿಮಾ ರಂಗೊಗೇ ಪೆರ್ಮೆದ ವಿಷಯ.
ಇಂಚಿನ ಜವನೆರೆ ಕೂಟ ಸೇರೊಂದು ನನೊಂಜಿ ಪಿಚ್ಚರ್ ಮಲ್ಪರೆ ಪಿದಡ್ದೆರ್. ‘ಮಿಡಲ್ ಕ್ಲಾಸ್ ಫ್ಯಾಮಿಲಿ’ ಪನ್ದ್. ಈ ಪಿಚ್ಚರ್‌ನ್ಲಾ ರಾಹುಲ್ ಅಮೀನ್ ಡೈರೆಕ್ಟ್ ಮಲ್ಪುವೆರ್ ಬೊಕ್ಕ ವಿನೀತ್ ಕುಮಾರ್ ಮುಖ್ಯ ಪಾತ್ರೊಡುಪ್ಪುವೆರ್ ಪನ್ದ್ ತೆರಿದ್ ಬೈದ್ಂಡ್.
ಉಂದುಲಾ ಒಂಜಿ ಕಾಮಿಡಿ ಎಂಟರ್ಟೈನರ್ ಆದುಂಡು. ರಾಜ್ ಸೌಂಡ್ಸ್ & ಲೈಟ್ಸ್ ಕೂಪೆದ ರಡ್ಡನೇ ತುಳು ಪಿಚ್ಚರ್ ಉಂದು. ಆಯಿನಾತ್ ಬೇಗೊಡು ನಮ್ಮ ದುಂಬುದೇಖಿಗ್ ಬರ್ಪುಂಡು.