ಒಂಜಿ ದೇಶ, ಒಂಜಿ ಚುನಾವಣೆ ಮಸೂದೆಗ್ ಒತ್ತೊಂಡಿನ ಸಂಪುಟ

Last updated on December 13th, 2024 at 11:56 am

ನವದೆಹಲಿ: ವನ್ ನೇಶನ್, ವನ್ ಎಲೆಕ್ಷನ್ ಮಹತ್ವೊದ ಮಸೂದೆಗ್ ಗುರುವಾರ ಪ್ರಧಾನಿ ಮೋದಿ ಮುತಾಲಿಕೆದ ಸಂಪುಟ ಅನುಮೋದನೆ ಕೊರ್ತುಂಡು.

ಚಳಿಗಾಲೊದ ಅಧಿವೇಶನೊಡು ಈ ಮಸೂದೆ ಮಂಡನೆ ಆಪಿನ ಸಾಧ್ಯತೆ ಉಂಡು ಪನ್ದ್ ಮೂಲೊಲೆರ್ದ್ ತೆರಿದ್ ಬೈದ್ಂಡ್. ಆಡಳಿತಾರೂಢ ಬಿಜೆಪಿ ‘ವನ್ ನೇಶನ್, ವನ್ ಎಲೆಕ್ಷನ್’ ಪರಿಕಲ್ಪನೆನ್ ಐತಿಹಾಸಿಕ ಪನ್ದ್ ಪುಗರ್ದ್ಂಡೊ. ಈ ಕ್ರಮ ಚುನಾವಣೆದ ಕರ್ಚಿ ಕಮ್ಮಿ ಮನ್ಪುನೆತ ಒಟ್ಟುಗು ಆಡಳಿತ ಸ್ನೇಹಿಯಾದುಂಡು ಪನ್ದ್ ಪನೊಂದುಂಡು.

ಪಾಕ ಸರ್ತಿ ಪ್ರಧಾನಿ ನರೇಂದ್ರ ಮೋದಿಯೆರ್ ಒಟ್ಟುಗೇ ಮಾತ ಚುನಾವಣೆ ಮನ್ಪುನ ಪರಿಕಲ್ಪನೆನ್ ಪುಗರ್ದೆರ್. ಲೋಕಸಭೆ, ರಾಜ್ಯ ವಿಧಾನಸಭೆಕುಲು ಅಂಚೆನೇ ಸ್ಥಳೀಯ ಸಂಸ್ಥೆಲೆಗ್ ಒರಟ್ಟೇ ಚುನಾವಣೆ ಮನ್ಪೆರ ಮಾಜಿ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಮುತಾಲಿಕೆದ ಉನ್ನತ ಮಟ್ಟೊದ ಸಮಿತಿದ ಶಿಫಾರಸ್‌ಲೆನ್ ಕೇಂದ್ರ ಸಚಿವ ಸಂಪುಟ ಒತ್ತೊಂದುಂಡು.