Last updated on December 14th, 2024 at 10:38 am
ಕಾರ್ಲ: ರಾಜ್ಯಮಟ್ಟೊದ ಕಬಡ್ಡಿ ಗೊಬ್ಬುಗಾರೆ, ಮುಟ್ಲುಪಾಡಿ, ನಡುಮನೆ ನಿವಾಸಿ ಪ್ರೀತಂ ಶೆಟ್ಟಿ(26) ಮೇರ್ ಶುಕ್ರವಾರ(ಡಿ.13) ರಾತ್ರೆ ಹೃದಯಾಘಾತೊರ್ದು ತೀರ್ದೆರ್.
ಪ್ರೀತಂ ಮೇರ್ ಶುಕ್ರವಾರ ಮಂಡ್ಯಾಡ್ ಕಬಡ್ಡಿ ಗೊಬ್ಬುಡು ಪಾಲ್‌ಪಡೆದಿತ್ತೆರ್. ಗೊಬ್ಬೊಂದುಪ್ಪುನಗನೇ ಆರೆಗ್ ತಿಗಲೆ ಬೇನೆ ತೋಜಿದ್ ಬೈದ್ಂಡ್. ಆಸ್ಪತ್ರೆಗ್ ಲೆತೊಂದುಪೋಯೆರಾನಗ ಹಾರ್ಟ್ ಅಟ್ಯಾಕ್‌ಡ್ ತೀರ್ದೆರ್.
ಎಡ್ಡೆ ಚಾತುರ್ಪುದ ಪ್ರೀತಂ ಮೇರ್ ಶಿಕ್ಷಣೊದ ಒಟ್ಟುಗು ಗೊಬ್ಬುಲೆಡ್ಲಾ ಉಮೇದ್ ಇತ್ತಿನಾರಾದಿತ್ತ್‌ದ್, ಬಂಙ ಬತ್ತ್‌ದ್ ಕಬಡ್ಡಿ ಗೊಬ್ಬುಗಾರೆ ಆದ್ ಪುಗರ್ತೆ ಪಡೆದಿತ್ತೆರ್. ಮೇರ್ ಅಪ್ಪೆ ಬೊಕ ಒರಿ ಒಪ್ಪಪುಟ್ಟಿನಾಯನ್ ಅಗತ್‌ದೆರ್.