ಕುಡ್ಲ ನಗರ ಪಾಲಿಕೆದ ವ್ಯಾಪ್ತಿಡ್ ತುಳು ಲಿಪಿತ ಬೋರ್ಡುಲೆನ್ ಪಾಡೊಡು ಪನ್ದ್ ಮೇಯರ್‌ಲೆಗ್ ಮನವಿ

Last updated on December 18th, 2024 at 03:30 pm

ತುಳು ಬಾಸೆಗ್ ಸರಿಯಾಯಿನ ಸ್ಥಾನಮಾನ ಅತ್ತಂದೆ ಮೌಲ್ಯ ದೆತ್ತ್ ಕೊರ್ಪಿನೆಟ್ಟ್ ತುಳುವೆರ್ ನಮ ವಿಫಲ ಆತ. ತುಳುಕು ಅಧಿಕೃತ ರಾಜ್ಯಬಾಸೆ ಆದಿಪ್ಪು, 8ನೇ ಪರಿಚ್ಛೇದೊಗು ಗೋಡ್ಯುನ ಆದಿಪ್ಪು ಉಂದು ಮಾತೆಟ್ಟ್ ನಮ ಸೋಪರೆ ಕಾರಣ ನಮ್ಮ ಇಚ್ಚಾಶಕ್ತಿದ ಕುಂದೆಲ್. ತುಳುಲಿಪಿತ ಬೋರ್ಡುಲೆನ್ ಕುಡ್ಲದ ವ್ಯಾಪ್ತಿಡ್ ಪಾಡೊಡು ಪನ್ದ್ ಇತ್ತೆದ ಮೇಯರ್‌ಗ್ ಮನವಿ ಮಲ್ದ. ಅಂಚೆನೆ ಮಹಾನಗರ ಪಾಲಿಕೆಡೇ ತುಳು ಲಿತ ಬೋರ್ಡು ಪಾಡ್ಲೆ ಪನ್ಡಿನೆಕ್ಕ್ ಮೇಯರ್ ಮನೋಜ್ ಕುಮಾರ್ ಮೇರ್ ಸಂತೋಷೊಡು ಒತ್ತೊಂದೆರ್ ಪನ್ದ್ ತುಳು ಅಕಾಡೆಮಿದ ಮಾಜಿ ಗುರ್ಕಾರೆ ದಯಾನಂದ ಕತ್ತಲಸಾರ್ ಪನ್ಡೆರ್.

ಈ ಪೊರ್ತುಡು ಪಾತೆರಿನ ಮೇಯರ್ ತುಳುತ ಮಿತ್ತ್ ಅಭಿಮಾನ ದೀವೊಂದು ತುಳು ಸಂಘಟನೆ ಅಂಚೆನೆ ತುಳುಪರ ಜವನೆರ್ನ ಸರ್ವ ಬೇಡಿಕೆಲೆನ್ಲಾ ಈಡೇರಿಸಾವುನ ಪುನೆಪು ಬರ್ಪೆ ಪನ್ದ್ ಪನ್ಡೆರ್.

ದಯಾನಂದ ಕತ್ತಲಸಾರ್, ರೋಶನ್ ರೆನಾಲ್ಡ್, ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷೆರಾಯಿನ ನಂದನ್ ಮಲ್ಯ ಅಂಚೆನೆ ಜವನೆರ್ ಒಟ್ಟುಗಿತ್ತೆರ್.