Last updated on December 20th, 2024 at 10:42 am
ಲತ್ತ್ ಪ್ರಾಯದ ಪೊಣ್ಣಗ್ ಲೈಂಗಿಕ ಕಿರುಕುಳ ಕೊರ್ತಿನ ಪ್ರಕರಣೊದ ಲೆಕ್ಕೊಡು ಆರೋಪ ಸಾಬೀತಾಯಿನೆರ್ದಾವರ ಆರೋಪಿ ಚಂದ್ರಶೇಖರ(34)ಗ್ 20 ವರ್ಸ ಜೈಲ್ ಶಿಕ್ಷೆ ಅಂಚೆನೆ ದಂಡ ಪಾಡ್ದ್ ನ್ಯಾಯಾಧೀಶೆರಾಯಿನ ಶ್ರೀನಿವಾಸ ಸುವರ್ಣೆರ್ ಆದೇಶ ಮಲ್ದೆರ್.
ಕಾರ್ಲ ನಗರ ಠಾಣಾ ವ್ಯಾಪ್ತಿಡ್ 15 ವರ್ಸದ ದುಂಬು ಈ ಕೇಸ್ ದಾಕಲಾದಿತ್ತ್ಂಡ್. ಪೊಣ್ಣನ ಗುರ್ತ ಮಲ್ತೊಂದಿನ ಆರೋಪಿ ಪೊಣ್ಣನೊಟ್ಟುಗು ಮೊಬೈಲ್ ಸಂಪರ್ಕ ದೀವೊಂದಿತ್ತೆ. ಅಲೆಗ್ ಫೋನ್ ಮಲ್ತ್ ಜನ ಉಪ್ಪಂದಿನ ಅಂಚೆನೆ ಪಾಡಿಲೆಗ್ ಪೂರಾ ಲೆತ್ತೊಂದಿತ್ತೆ. ಪೊಣ್ಣನೊಟ್ಟುಗು ಒತ್ತಾಯೊಡು ಲೈಂಗಿಕ ಸಂಪರ್ಕೊ ಮಲ್ತ್ ಅಲೆನ್ ಬಂಜಿನಾಲ್ ಮಲ್ದಿತ್ತೆ.
ಈ ಬಗೆಟ್ ಪೊಣ್ಣನ ಅಪ್ಪೆ ಒಯಿಲ್ ಕೊರ್ದು, ಆ ಪ್ರಕರಣೊಡು ಆರೋಪಿ ಚಂದ್ರಶೇಖರ್ ಲೈಂಗಿಕ ದೌರ್ಜನ್ಯ ಮಲ್ದಿನ ಸಾಬೀತಾತ್ಂಡ್. ಅಂಚಾದ್ ಆರೋಪಿಗ್ ಜೈಲ್ ಶಿಕ್ಷೆ ಅಂಚೆನೆ 21 ಸಾರ ದಂಡ, ಅವೆಟ್ 6 ಸಾರ ಸರಕಾರೊಗು, 15 ಸಾರ ಸಂತ್ರಸ್ತೆಗ್ ಅಂಚೆನೆ ಸರಕಾರೊರ್ದು ಸಂತ್ರಸ್ತೆಗ್ 3 ಲಕ್ಷ ಪರಿಹಾರ ಕೊರ್ಪಿಲೆಕ್ಕ ಆದೇಶ ಆತ್ಂಡ್.