Last updated on December 22nd, 2024 at 08:28 pm
ಮುಲ್ಕಿ : ತುಳುನಾಡ್‌ದ ಕಂಬುಲೊಲೆಡ್ ಬಾರೀ ಐತಿಹಾಸಿಕ ಮಹತ್ವ ಅಂಚೆನೆ ಪುಗಾರ್ತೆ ಇತ್ತಿನ ಮುಲ್ಕಿ ಸೀಮೆದ ಅರಸು ಕಂಬುಲೊದ ಉದಿಪನ ಇನಿ, ಡಿಸೆಂಬರ್ 22ಕ್ಕ್ ಮುಲ್ಕಿ ಸೀಮೆದ ಅರಸುಲಾಯಿನ ದುಗ್ಗಣ್ಣ ಸಾವಂತೆರೆನ ದುಂಬಾಲತ್ವೊಡು ನಡತ್ಂಡ್.
ಏಳಿಂಜೆ ಮೂಲದ ಸಾವಂತ ಅರಸೆರ್ ಬೊಕ್ಕ ಚಮತೂರುನು ತನ್ಕುಲೆನ ಅಲುಪೆ ಮಲ್ತ್ ಆಡಳಿತ ಮಲ್ತೊಂದಿತ್ತೆರ್. ಅಲ್ತ್ ಮುಲ್ಕೆದ ಕೋಟೆಕೇರಿ ಬೊಕ್ಕ ಅಕೇರಿಗ್ ಪಡುಪನಂಬೂರುಡು ತನ್ಕುಲೆನ ಅರಂತಡೆನ್ ಮಲ್ತೆರ್. ಈ ಪಡುಪನಂಬೂರುಡು ಸುಮಾರ್ 400-450 ವರ್ಸದ ದುಂಬು ಕಂಬುಲ ಸುರು ಮಲ್ದಿನವು ಇದಮುಟ್ಟಲಾ ನಡತೊಂದು ಬೈದ್ಂಡ್.
1973ಟ್ಟ್ ಮುಲ್ಕಿ ಸೀಮೆ ಅರಸು ಕಂಬುಲ ಸಮಿತಿ ರಚನೆ ಆದ್ ಸಾಂಪ್ರದಾಯಿಕ ಕಂಬುಲೊದು ಆದುನಿಕೊತ ಒರು ತಿಕ್ಕುದ್ ಪಾದ ಪಗತೆಲು ಆದ್ ನನಲಾತ್ ವೈಭವೊರ್ದು ಕಂಬುಲಾಬಿಮಾನಿಲು ಸೇರ್ದ್ ಮಲ್ತೊಂದುಲ್ಲೆರ್.