Last updated on December 25th, 2024 at 05:05 pm
ಕಝಕಿಸ್ತಾನ ಡಿಸೆಂಬರ್ 25: ರಷ್ಯಾಗ್ ಪೋವೊಂದಿತ್ತಿನ ಅಜರ್‌ಬೈಜಾನ್ ಏರ್‌ಲೈನ್ಸ್ ಪ್ಯಾಸೆಂಜರ್ ವಿಮಾನ ಕಝಕಿಸ್ತಾನಡ್ ಬುದಾರ ಬೂರ್ದ್ಂಡ್. ತಾಂತ್ರಿಕ ಸಮಸ್ಯೆರ್ದಾವರ ಪೈಲಟ್ ಎಮರ್ಜೆನ್ಸಿ ಲ್ಯಾಂಡಿಂಗ್ ಮನ್ಪುನ ಪೊರ್ತುಡು ನೆಲಕ್ಕ್ ಬರಸ್‌ಡ್ ಆಕ್‌ದ್ ಮಲ್ಲೆಕ್ ಸೂ ಪತೊಂದುಂಡು.
ವಿಮಾನ ಅಜರ್ಬೈಜಾನ್‌ದ ರಾಜಧಾನಿ ಬಾಕು
ರ್ದ್ ರಷ್ಯಾದ ಗ್ರೋಜ್ನಿಗ್ ಪೋವೊಂದಿತ್ತ್ಂಡ್. ಈ ಪೊರ್ತುಡು ಮಾರ್ಗದ ನಡುಟು ಸಮಸ್ಯೆ ಉಂಡಾತ್ಂಡ್. ಕಝಕಿಸ್ತಾನದ ಕ್ಯಾಸ್ಪಿಯನ್ ಸಮುದ್ರೊದ ಮುಟ್ಟಡ್ ನೆಲಕ್ ಬೂರ್ದ್ಂಡ್. ವಿಮಾನೊಡು ಐವೆರ್ ಸಿಬ್ಬಂದಿಲು ಸೇರ್ದ್ 67 ಜನ ಇತ್ತೆರ್ ಪನ್ದ್ ತೆರಿದ್ ಬೈದ್ಂಡ್.
ಈ ದುರಂತೊಡು ಏರೆನಲಾ ಜೂವೊಗು ಎಚ್ಚಿಕಮ್ಮಿ ಆತ್ಂಡಾ ಇಜ್ಜಾ ಪನ್ಪಿನ ಬಗೆಟ್ ಒವ್ವೇ ಅಧಿಕೃತ ಒಲವು ಬೈದಿಜಿ. ಎಡ್ತೆಡ್ 25 ಜನ ಬದ್‌ಕ್‌ದ್ ಒರಿದೆರ್ ಪನ್ದ್ ಒಲವು ತಿಕ್ಕ್‌ದ್ಂಡ್. ರಕ್ಷಣಾ ಸಿಬ್ಬಂದಿ ಜಾಗೆಡ್ ಸೂ ತೆಕ್ಕಾದೆರ್. ಬದ್‌ಕ್‌ದ್ ಒರಿನ 25 ಜಞೊಟು 22 ಜನೊನು ಆಸ್ಪತ್ರೆಗ್ ದಾಕಲ್ತ್‌ದೆರ್. ಐವೆರ್ ಐಸಿಯು ಡ್ ಉಲ್ಲೆರ್. 14 ಜನೊಕು ಸಾಮಾನ್ಯ ಮರ್ದ್ ನಡತೊಂದುಂಡು ಪನ್ದ್ ಕಝಕ್ ಆರೋಗ್ಯ ಸಚಿವಾಲಯ ಪನ್ತ್ಂಡ್.
