ಮುಲ್ಕಿ : ಕೊಲಕಾಡಿ ಪಿಲಿಚಾಮುಂಡಿ ಸಪರಿವಾರ ದೈವಸ್ಥಾನದ ವರ್ಸಾದಿದ ನೇಮ

Last updated on December 27th, 2024 at 09:32 am

ಕೊಲಕಾಡಿದ ಪಿಲಿಚಾಮುಂಡಿ ಪರಿವಾರ ದೈವಸ್ಥಾನದ ವರ್ಸಾದಿದ ನೇಮೋಚ್ಚಯ ತೇದಿ 28-12-2024 ಬೊಕ್ಕ 29-12-2024ಕ್ಕ್ ನಡಪರೆ ಉಂಡು.

ದಿನೊತಂಕೆ 28-12-2024ಕ್ಕ್ ಕಾಂಡೆ 9 ಗಂಟೆಗ್ ಬಂಡಾರ ಜಪ್ಪರೆ, ಕಾಂಡೆ 10ರ್ದ್ ಉಲ್ಲಾಯ ದೈವದ ನೇಮ, ಕಾಂಡೆ 11ರ್ದ್ ಲೆಕ್ಕೆಸಿರಿ ನೇಮ ಬೊಕ್ಕ ಮದ್ಯಾಹ್ನ 1 ಗಂಟೆಗ್ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ 7 ಗಂಟೆರ್ದ್ ಮೈಸಂದಾಯ ನೇಮ ರಾತ್ರೆ 8-30ಕ್ಕ್ ವನಸ್ ಅಂಚೆನೆ 9-30ರ್ದ್ ಕಾಂತೇರಿ ಜುಮಾದಿನ ನೇಮ ನಡಪರೆ ಉಂಡು.

ದಿನೊತಂಕೆ 29-12-2024ಕ್ಕ್ ರಾತ್ರೆ 10 ರ್ದ್ ಪಿಲಿಚಾಮುಂಡಿ ನೇಮ ನಡಪರೆ ಉಂಡು. ಪಾಕ ವರ್ಸೊರ್ದಿಂಚಿ ಅಜೀರ್ಣ ಅವಸ್ಥೆಡ್ ಇತ್ತಿನ ಈ ದೈವಸ್ಥಾನ ಕರಿನ ವರ್ಸ ಜೀರ್ಣೋದ್ಧಾರ ಆದಿತ್ತ್ಂಡ್. 28 ತಾರೀಕ್ ಬಯ್ಯಗ್ 4 ಗಂಟೆಗ್ ಶ್ರೀ ಸಿದ್ದು ಅಕ್ಕು ಪೂಜಾರಿಲೆನ ನೆಂಪುಗು ಆರೆನ ಜೋಕುಲು ಬೊಕ್ಕ ಪುಲ್ಯಲ್ಲು ಪಿಲಿಚಾಮುಂಡಿ ದೈವದ ಪಿಲಿ ಬಂಡಿನ್ ಒಪ್ಯಾವರೆ ಉಲ್ಲೆರ್, ಉಂದು ಕುಂಜಾರಗಿರಿ ಶಾಸ್ತಾವು ಮಹಾಲಿಂಗೇಶ್ವರ ದೇವಸ್ಥಾನೊರ್ದು ಮೆರವಣಿಗೆರ್ದ್ ಸಾನೊಗು ಕನಪೆರ್ ಪನ್ದ್ ತೆರಿದ್ ಬೈದ್ಂಡ್.