Last updated on December 27th, 2024 at 12:26 pm
ತುಳುನಾಡೊರ್ಮೆ ಹೌಸ್ ಫುಲ್ ಬಲ್ತ್ , ವಿಭಿನ್ನ ಕತೆನ್ ಪತೊಂದು ತುಳುವ ಮಣ್ಣ ಸಂಸ್ಕೃತಿನ್ ಪರಡಾಯಿನ ಪುಗಾರ್ತೆದ ಪಿಚ್ಚರ್ “ದಸ್ಕತ್” ನ್ ಬೆಂಗಳೂರು ಅಂಚೆನೆ ಪಿದಯೂರುಡ್ಲಾ ರಿಲೀಸ್ ಮಲ್ಪೊಡು ಪನ್ಪಿನ ಕಾಯೆಸ್ ಮಾತಾ ಕಡೆರ್ದ್ ಕೇನ್ದ್ ಬರೊಂದಿತ್ತ್ಂಡ್.
ಅಂಚ ಇತ್ತೆ ಬೆಂಗಳೂರುದ ತುಳುವೆರೆಗಾದ್ ಉಂದೇ ಬರ್ಪಿ ಪೊಸ ವರ್ಸ ಜನವರಿ 11 ಬೊಕ್ಕ 12ಕ್ಕ್ ಬೆಂಗಳೂರುಡು ದಸ್ಕತ್ ದ ಶೋ ನಡಪರೆ ಉಂಡು. ಬೆಂಗಳೂರುದ ಡಾ.ಅಂಬರೀಶ್ ಅಡಿಟೋರಿಯಂ ಥಿಯೇಟರ್, ಚಾಮರಾಜಪೇಂಟೆಡ್ ದಸ್ಕತ್ ಷೋ ಈ ರಡ್ಡ್ ದಿನ ನಡಪರೆ ಉಂಡು. 11 ತಾರೀಕ್ ಶನಿವಾರ ಬಯ್ಯಗ್ 7-30ತ್ತ ಷೋ ಅಂಚೆನೆ 12 ತಾರೀಕ್ ಐತಾರ ಕಾಂಡೆ 11, ಮದ್ಯಾಹ್ನ 2-30 ಅಂಚೆನೆ ಬಯ್ಯಗ್ 6 ಗಂಟೆಗ್ ಷೋ ನಡಪುಂಡು. ಟಿಕೇಟ್ ಬೋಡಾಯಿನಕುಲು 8152935557 ಇಜಿಂಡ 7022231256 ಈ ನಂಬ್ರೊಲೆಗ್ ಲೆಪ್ಪು ಕೊರ್ದು ಬುಕ್ ಮಲ್ಪೊಲಿ. ಲಿಮಿಟೆಡ್ ಸೀಟ್ ಅಂಚೆನೆ ಲಿಮಿಟೆಡ್ ಶೋ ಉಪ್ಪುನು. ಆಯಿನಾತ್ ಬೇಗ ಬುಕ್ ಮಲ್ಪುಲೆ.