Last updated on January 1st, 2025 at 09:34 am
ಮಡಿಕೇರಿ: ತಾಲೂಕ್‌ದ ಕಟ್ಟೆಮಾಡ್ ಗ್ರಾಮೊದ ಶ್ರೀ ಮಹಾ ಮೃತ್ಯುಂಜಯ ದೇಲಂತಡೆಡ್ ಡಿ.27 ತಾನಿ ಜಾತ್ರೆದ ಪೊರ್ತುಡು ತುತ್ತೈತೊದ ಇಸಯೊಡು ರಡ್ಡ್ ಕೂಟೊಲೆನ ನಡುಟು ಮಚ್‌ಮಚ್ ಆತಿನೆರ್ದಾವರ ಜಿಲ್ಲಾಡಳಿತ ನಿಷೇಧಾಜ್ಞೆ ಜಾರಿಮಲ್ದ್ಂಡ್.
ಕೊಡವ ಸಮಾಜೊದಕುಲು ಸಾಂಪ್ರದಾಯಿಕ ಕುಪ್ಪಿಯ ಚಾಲೆ ನ್ ಪಾಡೊಂದು ದೇಲಂತಡೆಗ್ ಪೊಗ್ಗುನಗ, ದೇಲಂತಡೆದ ಸಮಿತಿದಕುಲು ಬೈಲಾ ಪ್ರಕಾರ ಇಂಚಿನ ತುತ್ತೈತೊಗು ಅವಕಾಶ ಇಜ್ಜಿ ಪನ್ದ್ ಪೊಗ್ಗೆರೆ ಬುಡಂದಿನವು ಈ ಸಂಘರ್ಷೊಗು ನೆವನ.
ಈ ಈಸಯೊಡು ಪೊರ್ಮ್ಬಾಟೊಗು ಜತ್ತಿನಕಲೆನ್ ಪೋಲೀಸೆರ್ ಕೈದ್ ಮಲ್ತ್‌ದ್, ಬೊಕ್ಕ ಪ್ರಭಾವಿಲು ನಡುಟು ಬತ್ತಿ ಬೊಕ್ಕ ಅಕಲೆನ್ ಬುಡುಗಡೆ ಮಲ್ದೆರ್.
ದೇಲಂತಡೆದ ಸುತ್ತಮುತ್ತ 5 ಕಿಲೋಮೀಟರ್‌ ದೂರೊದುಲಯಿ 2024 ಡಿ.30ದ ಕಾಂಡೆ 6 ಗಂಟೆರ್ದ್ 2025 ಜನವರಿ 2ತ ಕಾಂಡೆ 6 ಗಂಟೆ ಮುಟ್ಟ 5ರ್ದ್ ಎಚ್ಚ ಜನ ಒಟ್ಟು ಸೇರಂದಿಲೆಕ ಪ್ರತಿಭಟನೆ, ಮೆರವಣಿಗೆ, ರ್‍ಯಾಲಿ, ಜಾಥಾ ನಡಪಾವಂದಿಲೆಕ ಅಂಚೆನೇ ಘೋಷಣೆ ಲೆಪ್ಪಂದಿಲೆಕ ನಿರ್ಬಂಧಿತ ಪ್ರದೇಶ ಪನ್ದ್ ಘೋಷಣ
ಮಲ್ತ್ ಆದೇಶ ಕೊರ್ತುಂಡು.