Last updated on January 4th, 2025 at 05:02 pm
ವಿಟ್ಲ: ದಗೆಕಾರೆರ್ ಇಡಿ ಅಧಿಕಾರಿಲೆ ಲೆಕ ಬೋಳಂತೂರು ಮುಟ್ಟದ ನಾರ್ಶದ ಉದ್ಯಮಿನ ಇಲ್ಲಗೊ ದಾಳಿ ಮಲ್ತ್‌ದ್ ಸುಮಾರ್ 30 ಲಕ್ಷ ರೂ. ಕಂಡ್‌ದಿನ ನಡಕೆ ಜ.3 ತ ಶುಕ್ರವಾರ ರಾತ್ರೆ ಬೊಲ್ಪುಗು ಬೈದ್ಂಡ್.
ಬಂಟ್ವಾಳ ತಾಲೂಕ್‌ದ ವಿಟ್ಲ ಪೊಲೀಸ್ ಸ್ಟೇಶನ್ ಸೀಮೆದ ಬೋಳಂತೂರು ಮುಟ್ಟದ ನಾರ್ಶ ಪನ್ಪಿನಲ್ಪದ ಸುಲೈಮಾನ್ ಹಾಜಿ ಪನ್ಪಿನಾರ್ ಸಿಂಗಾರಿ ಬೀಡಿ ಸಂಸ್ಥೆನ್ ಪಾಕ ವರ್ಸೊರ್ದಿಂಚಿ ನಡಪಾವೊಂದುಲ್ಲೆರ್. ಶುಕ್ರವಾರ ರಾತ್ರೆ ಆರೆನ ಇಲ್ಲಗ್ ತಮಿಳುನಾಡ್ ಮೂಲೊದ ಕಾರ್‌ಡ್ ಬತ್ತಿನ ಕೂಟ ಒಂಜಿ ದಾಳಿ ಮಲ್ತಿಲೆಕ ನಾಟಕ ಮಲ್ತ್‌ದೆರ್. ಎಂಕುಲು ಇಡಿ ಅಧಿಕಾರಿಲು ಪನ್ದ್ ನಂಬಾದ್ ಸುಮಾರ್ ರಡ್ಡ್ ಗಂಟೆ ಮುಟ್ಟ ಜಡ್ತೆದ ನಾಟಕ ಮಲ್ತ್‌ದ್ ಇಲ್ಲಡ್ ತಿಕ್ಕಿನ ಸುಮಾರ್ 30 ಲಕ್ಷ ರೂಪಾಯಿನ್ ಕಂಡ್‌ದೆರ್.
ಬಂಗಾರ್‌ದ ಲೆಕ್ಕಾಚಾರೊನು ಮಲ್ತಿನ ದಗೆಕಾರೆರ್ ಬೋಡಾಯಿನಾತ್ ಕಾಸ್ ತಿಕ್ಕಿನೆರ್ದಾವರ ಬಂಗಾರ್‌ನ್ ಬುಡ್ದ್ ಪೋತೆರ್ ಪನ್ದ್ ಪನ್ತೆರ್.
ಜಾಗೆಗ್ ವಿಟ್ಲ ಪೊಲೀಸೆರ್ ಬತ್ತ್‌ದೆರ್.