Last updated on January 5th, 2025 at 10:55 am
ಕುಡುಮ ಪೊಲೀಸ್ ಸ್ಟೇಶನ್‌ ಸೀಮೆದ ಬೊಲ್ತೇರ್ ತಾಲೂಕ್‌ದ ಚಾರ್ಮಾಡಿ ಗ್ರಾಮೊದ ಅನ್ನಾರ್ ಸಂಕೊದ ತಿರ್ತ್ ಮೃತ್ಯುಂಜಯ ಸುದೆತ ಬರಿಟ್ ಡಿ.17 ತಾನಿ ಏರೋ ಕಿಡಿಗೇಡಿಲು ಕೆರ್ತಿನ ಕೈಕಂಜಿಲೆನ ತರೆ ಬೊಕ್ಕ ಬೇತೆ ತ್ಯಾಜ್ಯೊಲೆನ್ ಸುಮಾರ್ 11 ಪ್ಲಾಸ್ಟಿಕ್ ಗೋಣಿಲೆಡ್ ದಿಂಜದ್ ದಕ್ಕ್‌ದ್ ಪೋತಿನ ನಡಕೆ ಇಂಚಿಪ್ಪೊಗು ನಡತಿತ್ತ್ಂಡ್. ಈ ನಡಕೆಗ್ ಸಂಬಂಧಿತ್‌ದ್ ಕುಡುಮ ಪೊಲೀಸೆರ್ ಈ ಪ್ರಕರಣೊದ ಇರ್ವೆರ್ ಪ್ರಮುಖ ಆರೋಪಿಲೆನ್ ಕೈದ್ ಮಲ್ತ್‌ದೆರ್.
ಬೊಲ್ತೇರ್‌ದ ಆದಂ ಪನ್ಪಿನಾರೆನ ಮಗೆ ಮಹಮ್ಮದ್ ಇರ್ಷಾದ್ (28 ವರ್ಷ), ರವೂಫ್‌ ಪನ್ಪಿನಾರೆನ ಮಗೆ ಮಹಮ್ಮದ್ ಅಜ್ಮಲ್ (30 ವರ್ಷ)ಪನ್ಪಿನಕಲೆನ್ ಕೈದ್ ಮಲ್ದೆರ್. ಮೊಕಲ್ನ ಮಿತ್ತ್ ಪೊಲೀಸೆರ್ ಠಾಣಾ ಅಕ್ರ 79/2024 ಕಲಂ 4, 12 ಕರ್ನಾಟಕ ಗೋಹತ್ಯೆ ನಿಷೇಧ ಕಾಯ್ದೆ ಬೊಕ್ಕ ಜಾನುವಾರು ಸಂರಕ್ಷಣಾ ಅಧಿನಿಯಮ 2020 ದ ಪ್ರಕಾರ ಪ್ರಕರಣ ದಾಕಲ್ತೊಂದೆರ್.