ಹೆಬ್ರಿ : ಬೈಕ್ ಕಾರ್ ಎಡ್ತೆ, ಜವನೆ ಸಾವು

Last updated on January 6th, 2025 at 09:20 am

ಹೆಬ್ರಿಡ್ ರಾಂಪುರ ಪನ್ಪಿನಲ್ಪ ಜನವರಿ 4ತ್ತ ರಾತ್ರೆ ಸುಮಾರ್ 11-30ತ ಪೊರ್ತುಗು ಹೆಬ್ರಿದಂಚಿ ಬರೊಂದಿತ್ತಿನ ಬೈಕ್ ಗ್ ಎದುರುಡು ಬತ್ತಿನ ಕಾರ್ ಎಡ್ತ್ ಶಿವಪುರದ ಮೂಸ್ರಾಲ ನಿವಾಸಿ ರಾಹುಲ್(25) ತೀರ್ದೆರ್.

ಎದುರುಡು ಬತ್ತಿನ ಸ್ವಿಫ್ಟ್ ಕಾರ್ ದ ಡ್ರೈವರ್ ಅರುಣ್ ಬಾರೀ ಬರಸ್ ಡ್ ತಾದಿದ ಮಸ್ತ್ ಬಲೊಕು ಗಾಡಿ ಬುಡಿನೆರ್ದ್ ಬತ್ತ್ ಬೈಕ್ ಗ್ ಎಡ್ದೆರ್. ಎಡ್ದಿನ ಬರಸ್ ಗ್ ಬೈಕ್ ರ್ದ್ ತಿರ್ತ್ ಬೂರಿನ ರಾಹುಲ್ ಮೆರೆಗ್ ಗಾತಿದ ಗಡುಕುಲಾದಿತ್ತ್ಂಡ್. ಮೆರೆನ್ ಹೆಬ್ರಿದ ಆಸ್ಪತ್ರೆಗ್ ಕೊನೊದು ಅಲ್ತ್ ಮಣಿಪಾಲೊಗು ಕೊನೊಯೆರ್ಡಲಾ ಮರ್ದ್ ಪಲಿಪಂದೆ ತೀರಿಯೆರ್. ಜನವರಿ 4ಕ್ಕ್ ಮುಳ್ಳುಗುಡ್ಡೆ ಶಾಲೆದ ನಾಟಕ ತೂದು ಇಲ್ಲಗ್ ಪೋವೊಂದುಪ್ಪುನ ಪೊರ್ತುಗು ಈ ನಡಕೆ ನಡದ್ಂಡ್.