Last updated on January 8th, 2025 at 10:51 am
ಕುಡ್ಲ: ಪೆಟ್ರೋಲ್ ಬಂಕ್‌ದ ಸೂಪರ್‌ವೈಸರ್‌ ತನ್ನ ಪರ್ಸನಲ್ ಅಕೌಂಟ್‌ದ QR ಕೋಡ್ನ್ ಪಾಡ್ದ್ ಬಂಕ್‌ಗ್ 58.85 ಲಕ್ಷ ರೂ. ದಗೆ ಮಲ್ದಿನ ನಡಕೆ ಬಂಗ್ರಕೂಳೂರ್‌ಡ್ ನಡತ್‌ದ್ಂಡ್.
ಬಂಗ್ರಕೂಳೂರ್‌ದ ರಿಲಯನ್ಸ್‌ ಔಟ್‌ಲೆಟ್‌ ಫ್ಯುಯೆಲ್ ಬಂಕ್ಡ್ ಸೂಪರ್‌ವೈಸರ್‌ ಆದಿತ್ತಿನ ಆರೋಪಿ ಮೋಹನದಾಸ್‌, ಬಂಕ್‌ದ ಕಾಸ್‌ದ ವೈವಾಟ್‌ನ್ ತೂವೊಂದು ಮಾತಾ ಜಬದ್ದರಿ ತೂವೊಂದಿತ್ತೆ. ಈ ಜನ 2023ತ ಮಾ. 1ರ್ದ್ ಜು. 31 ಮುಟ್ಟ ಪೆಟ್ರೋಲ್ ಬಂಕ್ಡ್ ಬಂಕ್‌ದ QR ಕೋಡ್ ದೆತ್ತ್‌ದ್ ತನ್ನ ಪರ್ಸನಲ್ ಅಕೌಂಟ್‌ದ QR ಕೋಡ್ನ್ ಪಾಡ್ದ್ ಗ್ರಾಹಕೆರೆಗ್ ಬಂಕ್‌ದ QR ಕೋಡ್ ಪನ್ದ್ ನಂಬಾದ್ 58,85,333 ರೂ. ಕಡಪುಡೊಂದು ದಗೆ ಮಲ್ತ್‌ದೆ ಪನ್ದ್ ರಿಲಯನ್ಸ್‌ ಔಟ್‌ಲೆಟ್‌ ಫ್ಯುಯೆಲ್ ಬಂಕ್‌ದ ಮ್ಯಾನೇಜರ್‌ ಕುಡ್ಲದ ಸೆನ್‌ ಪೊಲೀಸೆರೆಗ್ ಒಯಿಲ್ ಕೊರ್ತೆರ್.