Last updated on January 15th, 2025 at 04:50 pm
ಇಂದೋರ್: ನಾಲ್ ಜೋಕುಲೆನ್ ಪೆದ್ದುನ ಬ್ರಾಹ್ಮಣ ಸಮುದಾಯೊದ ದಂಪತಿಲೆಗ್ 1 ಲಕ್ಷ ರೂಪಾಯಿ ಬಹುಮಾನ ಕೊರ್ಪ ಪನ್ದ್ ಮಧ್ಯಪ್ರದೇಶ ಪರಶುರಾಮ ಕಲ್ಯಾಣ ಮಂಡಳಿದ ಮುಖ್ಯಸ್ಥೆರು ಆಫರ್ ಕೊರ್ದು ಸುದ್ದಿಯಾತೆರ್.
ಸಂಧ್ಯಾ ಬ್ರಾಹ್ಮಣ ಸಮುದಾಯೊದ ಮದಿಮೆಗ್ ಬೈದಿನ ಆಣ್ ಪೊಣ್ಣುಲೆಗ್ ಬೋಡಾದ್ ಜ. 15, ಐತಾರದಾನಿ ನಡತಿನ ‘ಪರಿಚಯ ಸಮ್ಮೇಳನ’ಡ್ ಪಂಡಿತ್ ವಿಷ್ಣು ರಾಜೋರಿಯಾ ಈ ಘೋಷಣೆ ಮಲ್ದೆರ್.
ವಿಡಿಯೋ ಸಾಮಾಜಿಕ ಮಾಧ್ಯಮೊಡು ವೈರಲ್ ಆತ್ಂಡ್. “ಎಡ್ಡೆ ಬೇಲೆ ಇಜ್ಜಿಂಡಲಾ ದಂಪತಿಲು ಕಾಲಿ ಒಂಜಿ ಬಾಲೆ ಎಡ್ಡೆ ಅತ್ತ್. ಹಿಂದೂ ಅತ್ತಂದಿನಕಲೆನ ಜನಸಂಖ್ಯೆ ಎಚ್ಚ ಆವೊಂದುಂಡು. ನಮ ನಮ್ಮ ಕುಟುಮೊದಂಚಿ ಗೇನ ಕೊರ್ಪುನೆನ್ ಉಂತಾದ” ಪನ್ದ್ ರಜೋರಿಯಾ ಪನ್ತೆರ್.