Last updated on January 22nd, 2025 at 10:55 am
ಕುಡ್ಲ: ಮಂಗಳೂರು ಸ್ಟ್ರೀಟ್ ಫುಡ್ ಫಿಯೆಸ್ಟಾದ ಉದಿಪನಗ್ ಡಾಲಿ ಚಾಯ್‌ವಾಲಾ ಪನ್ಪಿನ ಇಂಟರ್‌ನೆಟ್ ಸೆನ್ಸೇಷನ್‌ನ್ ಬಿನ್ನೆ ಆದ್ ಲೆತ್ತಿನೆಕ್ ಭಾರೀ ಆಕ್ರೋಶ ತೋಜಿದ್ ಬೈದ್ಂಡ್. ನಟೆ, ನಿರ್ದೇಶಕೆ ರಾಜ್ ಬಿ ಶೆಟ್ಟಿ ಲಾ ಡಾಲಿ ಚಾಯ್‌ವಾಲಾ ಕುಡ್ಲದಾಯೆ ಆತುಂಡ ಆಯನ ಅಂಗಡಿದ ಮಿತ್ತ್ ಬುಲ್ಡೋಜರ್ ಕೊನೊದು ಆಯನ ಅಂಗಡಿ ಪೊಡಿ ಮಲ್ದುವೆರ್ ಪನ್ದ್ ಮಕ್ಕರ್ ಮಲ್ದೆರ್.
ಕುಡ್ಲಡ್ ಸ್ಟ್ರೀಟ್ ಫುಡ್ ಫಿಯೆಸ್ಟಾ ನಡತೊಂದಿತ್ತ್‌ದ್, ಉಂದೆತ ಉದಿಪನಗ್ ಸೋಶಿಯಲ್ ಮಿಡಿಯಾ ಟ್ರೆಂಡ್ ಡಾಲಿ ಚಾಯ್‌ವಾಲಾನ್ ಸಂಘಟಕೆರ್ ಲೆತ್ತ್‌ದಿತ್ತೆರ್, ಉಂದು ಭಾರೀ ಆಕ್ರೋಶಗ್ ಸಾದಿ ಮಲ್ತ್ ಕೊರ್ತುಂಡು. ಕೆಲ ತಿಂಗೊಲುಗು ದುಂಬು ಕುಡ್ಲಡ್ ಟೈಗರ್ ಕಾರ್ಯಾಚರಣೆ ಪುದರ್‌ಡ್ ಪುಟ್‌ಪಾತ್‌ದ ಮಿತ್ತ್ ಇತ್ತಿನ ಮಾತಾ ಸ್ಟ್ರೀಟ್ ಫುಡ್ ಅಂಗಡಿಲೆನ್ ಬುಲ್ಡೋಜರ್ ಬರ್ತಾದ್ ಪೊಡಿ ಮಲ್ತಿತ್ತೆರ್, ಆಂಡ ಅವ್ವೇ ರೀತಿ ಸಾದಿ ಬರಿಟ್ ಚಾ ಮಾರ್‌ದ್ ಸೋಶಿಯಲ್ ಮಿಡಿಯಾಡ್ ಟ್ರೆಂಡ್ ಆತಿನ ಡಾಲಿ ಚಾಯ್‌ವಾಲಾನ್ ಲೆತ್ತ್‌ದ್ ಆಯನ ಕೈಟ್ ಉದಿಪನ ಮಲ್ದೆರ್.
ಉಂದೇ ವಿಚಾರೊಗು ನಟೆ ನಿರ್ದೇಶಕೆ ರಾಜ್ ಬಿ ಶೆಟ್ಟಿ ತನ್ನ ಇನ್ಸ್ಟಾಗ್ರಾಂ ಡ್ ಸ್ಟೋರಿ ಪಾಡ್ದೆರ್. ಲಾಲ್ ಬಾಗ್ ಸ್ಟ್ರೀಟ್ ಪುಡ್ ಫಿಯೆಸ್ಟಾಗ್ ಸಾದಿ ಬರಿಟ್ ಚಾ ಮಾರೊಂದಿತ್ತಿನ ಡಾಲಿ ಚಾಯ್‌ವಾಲಾನ್ ಬಿನ್ನೆ ಆದ್ ಲೆತ್ತ್‌ದೆರ್. ಆಂಡ, ಡಾಲಿ ಕುಡ್ಲದಾಯೆ ಅತ್ತ್ ಪನ್ಪಿನ ಕುಸಿತ ಇಸಯ. ಓಲ್ಲಾ ಆಯೆ ಕುಡ್ಲದಾಯೆ ಆತುಂಡ ಆಯನ ಅಂಗಡಿನ್ ಪೊಡಿ ಮಲ್ದುವೆರ್ ಪನ್ದ್ ಪನ್ತೆರ್.