Last updated on January 22nd, 2025 at 02:46 pm
ಪುತ್ತೂರು: ಮಗ್ಗಿ ಪನ್ನಗ ತತ್ತಿನೆಕ್ ವಿದ್ಯಾರ್ಥಿಗ್ ಶಿಕ್ಷಕೆರೊರಿ ನಾಗರಬೆತ್ತಡ್ ಆಕ್‌ದಿನ ಆರೋಪ ಕೇನ್ದ್ ಬೈದಿತ್ತ್‌ದ್, ಪೆಟ್ಟ್‌ರ್ದಾವರ ವಿದ್ಯಾರ್ಥಿನ ಕೈತ ಎಲುಕು ಪೆಟ್ಟಾದಿತ್ತ್‌ದ್ ಸರಕಾರಿ ಆಸ್ಪತ್ರೆಡ್ ಮರ್ದ್ ಮಲ್ತ್‌ದೆರ್.
ಪಾಪೆಮಜಲ್ ಸರಕಾರಿ ಶಾಲೆದ 8ನೇ ತರಗತಿ ವಿದ್ಯಾರ್ಥಿ ಅತೀಶ್ ಪೆಟ್ಟಾತಿನಾರ್. ಶಾಲೆಡ್ ಗಣಿತ ಶಿಕ್ಷಕೆರೆ ಎದುರು ಅತೀಶ್ ಮಗ್ಗಿ ಪನ್ನಗ ತತ್ತಿನೆಕ್ ಆರ್ ನಾಗರಬೆತ್ತಡ್ ಆಕ್‌ದೆರ್ ಪನ್ದ್ ತೆರಿದ್ ಬೈದ್ಂಡ್. ಬಯ್ಯಡ್ ಅತೀಶ್ ಇಲ್ಲಡ್ ಅಪ್ಪೆ ಅನಿತಾ ಬೊಕ್ಕ ಅಜ್ಜೆರ್ ರವಿ ಮೊಕಲೆಡ ಈ ವಿಚಾರ ಪನ್ಡ್‌ದ್ ಕೈ ಬೇನೆ ಆವೊಂದುಂಡು ಪನ್ದ್ ಪನ್ತೆ. ಬೊಕ್ಕ ಅಜ್ಜೆ ರವಿ ಪುಲ್ಲಿನ್ ಸರಕಾರಿ ಅಸ್ಪತ್ರೆಗ್ ಲೆತೊಂದು ಪೋದು ಮರ್ದ್ ಮಲ್ಪಾದೆರ್. ಕೈತ ಎಲುಗು ಜೋರು ಪೆಟ್ಟ್ ಬೂರ್ದಿನೆರ್ದಾವರ ಕೈ ಬಾತ್‌ದ್ಂಡ್ ಪನ್ದ್ ಅತೀಶ್‌ನ ಅಜ್ಜೆ ರವಿ ಮೇರ್ ತೆರಿಪಾದೆರ್.