Last updated on January 22nd, 2025 at 07:05 pm
ವಿಟ್ಲ: ಡ್ರೋನ್ ಒಂಜಿ ಅಪರೇಟರ್ನ ಅಂಕೆ ತತ್ತ್ದ್ ತೇರ್ದ ಮಿತ್ತ್ ದೇವೆರೆ ಪ್ರಬಲ್ಯದ ಒಟ್ಟುಗಿತ್ತಿನ ಭಟ್ರೆನ ತರೆಕ್ ಎಡ್ತಿನ ನಡಕೆ ವಿಟ್ಲ ಪಂಚಲಿಂಗೇಶ್ವರ ದೇವೆರೆ ತೇರ್ದ ಪೊರ್ತುಡು ನಡತ್ದ್ಂಡ್.
ಕೋಡೆ ವಿಟ್ಲ ಪಂಚಲಿಂಗೇಶ್ವರ ದೇವೆರೆ ತೇರ್ ಗರ್ದ್ ಗೌಜಿಡ್ ನಡತ್ಂಡ್. ಈ ಪೊರ್ತುಡು ವಿಡಿಯೋ ಮನ್ಪೆರೆ ರಾಪಾದಿನ ಡ್ರೋನ್ ಒಂಜಿ ತೇರ್ದ ಮುಟ್ಟ ಬತ್ತ್ದ್ ಅಲ್ಪ ಉಂತುದಿತ್ತಿನ ಭಟ್ರೆನ ತರೆಕ್ ಆಕ್ ದ್ಂಡೊ. ಈ ಪೊರ್ತುಡು ದೇವೆರೆ ಉತ್ಸವ ಮೂರ್ತಿ ತುಂಬೊಂದಿನಾರ್ ತೇರ್ದ ಮಿತ್ತ್ ಬರ್ತೆರಾದಿತ್ತೆರ್. ಡ್ರೋನ್ ಆಕಿನ ಪೊರ್ತುಡು ದೇವೆರೆ ಮೂರ್ತಿ ತುಂಬೊಂದಿನಾರ್ ಒಂತೆ ಅಲ್ಕ್ದ್ ಬೂರ್ಯೆರ್ನ್ಡಲಾ ಅಂಕೆ ತತ್ತ್ದಿಜೆರ್. ಡ್ರೋನ್ ಒಂತೆ ಅಂಚಿಂಚಿ ಆದ್ ದೇವೆರೆನ್ ತುಂಬಿನಾರೆಗ್ ತಾಗುದುಂಡ, ದೇವೆರೆ ಮೂರ್ತಿ ಬೂರುನ ಸಾಧ್ಯತೆ ಇತ್ತ್ಂಡ್. ವಿಟ್ಲ ಸೀಮೆದ ಉಲ್ಲಾಯನ ತೇರ್ಗ್ ಸಾರಗಟ್ಲೆ ಸಂಖ್ಯೆಡ್ ಜನ ಸೇರ್ದಿತ್ತೆರ್, ಡ್ರೋನ್ ಅಪರೇಟರ್ನ ಮರ್ಲ್ಗ್ ಭಕ್ತೆರ್ ಆಕ್ರೋಶ ತೂಪಾದೆರ್.