Last updated on January 23rd, 2025 at 11:14 am
ಕೋಲ್ಕತ್ತಾ: ಈಡನ್ ಗಾರ್ಡನ್‌ಡ್ ನಡತಿನ ಇಂಗ್ಲೆಂಡ್‌ದ ಎದುರುದ ಟಿ20 ಗೊಬ್ಬುಡು ಭಾರತ 7 ವಿಕೆಟ್‌ಡ್ ಗೆಂದ್‌ದ್ಂಡ್.
ಟಾಸ್ ಗೆಂದ್‌ದ್ ಸುರುಕು ಬೌಲಿಂಗ್ ಮನ್ಪೆರ ಜತ್ತಿನ ಭಾರತ, ಇಂಗ್ಲೆಂಡ್‌ನ್ 20 ಓವರ್‌ಡ್ 132 ರನ್‌ಗ್ ಕಟ್ಟ್‌ದ್ ಪಾಡ್ಂಡ್.
ಇಂಗ್ಲೆಂಡ್‌ದ ಪರ ಜಾಸ್ ಬಟ್ಲರ್ 68 (44) ರನ್ ಮಲ್ತ್‌ದ್ ತಂಡೊದ ಪರ ಎಡ್ಡೆ ಸ್ಕೋರ್ ಮಲ್ತೆರ್.
ಭಾರತೊದ ಬೌಲಿಂಗ್ ವಿಭಾಗೊಡು ವರುಣ್ ಚಕ್ರವರ್ತಿ 23 ರನ್ ಕೊರ್ದು 3 ವಿಕೆಟ್ ಗೆತೊಂಡೆರ್ನ್ಡ, ಅರ್ಷ್‌ದೀಪ್ ಸಿಂಗ್ 17 ರನ್ ಕೊರ್ದು 2 ವಿಕೆಟ್ ಗೆತೊಂಡೆರ್. ಹಾರ್ದಿಕ್ ಪಾಂಡ್ಯ 42 ರನ್ ಕೊರ್ದು 2 ವಿಕೆಟ್, ಅಕ್ಷರ್ ಪಟೇಲ್ 22 ರನ್ ಕೊರ್ದು 2 ವಿಕೆಟ್ ಗೆತೊಂಡೆರ್.
ಇಂಗ್ಲೆಂಡ್ ಕೊರ್ನ 132 ರನ್‌ದ ಈಡ್‌ದ ಬೆರಿಯೆ ಪೋಯಿನ ಭಾರತ 12.5 ಓವರ್‌ಡ್ 3 ವಿಕೆಟ್ ನಷ್ಟೊಗು 133 ರನ್ ಮಲ್ತ್‌ದ್ ಕಡೀರ ಗೊಬ್ಬುನು ಗೆಂದ್ಂಡ್.
ಭಾರತ ಈ ಗೆಲ್ಮೆದ ಮುಕೇನ ಟೂರ್ನಿಡ್ 1-0 ಡ್ ಎದುರು ಉಂಡು.