Last updated on January 24th, 2025 at 10:34 am
ಬಂಟ್ವಾಳ: ಸಾದಿ ಬರಿಟ್ ಕಾಲಿ ಜಾಗೆಡ್ ಉಂತಾದ್ ಟಯರ್ ಚೆಕ್ ಮಲ್ತೊಂದಿತ್ತಿನ ಪೊರ್ತುಡು 108 ಆಂಬ್ಯುಲೆನ್ಸ್‌ಗ್ ಇನ್ನೋವಾ ಕಾರ್ ಒಂಜಿ ಎಡ್ತ್‌ದ್ ರಡ್ಡ್ ಗಾಡಿಲುಲಾ ಞಕ್ಕೆ ಆದಿತ್ತ್‌ದ್, ದೇವೆರೆ ದಯೆಟ್ ಏರೆಗ್ಲಾ ದಾಲ ಆವಂದೆ ಬಚಾವಾತಿನ ನಡಕೆ ಕುಡ್ಲ ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿ ಬಂಟ್ವಾಳದ ತುಂಬೆ ಮುಟ್ಟದ ಕಡೆಗೋಳಿಡ್ ನಡತ್‌ದ್ಂಡ್.
ವಿಟ್ಲರ್ದ್ ಕುಡ್ಲಗ್ ಉಸಾರಿಜ್ಜಂದಿನಾರೆನ್ ಲೆತೊಂದುಪೋದು, ಆಸ್ಪತ್ರೆಗ್ ದಾಕಲ್ತ್‌ದ್ ಪಿರ ವಿಟ್ಲಗ್ ಬರೊಂದಿತ್ತಿನ 108 ಅಂಬ್ಯುಲೆನ್ಸ್‌ಗ್ ಇನ್ನೋವಾ ಕಾರ್ ಎಡ್ತ್‌ದ್ಂಡ್. ಕಡೆಗೋಳಿ ಪನ್ಪಿನಲ್ಪ ಆಂಬ್ಯುಲೆನ್ಸ್‌ದ ಚಕ್ರಡ್ ಶಬ್ದ ಬೊರೊಂದುಂಡು ಪನ್ದ್ ಸಾದಿ ಬರಿಟ್ ಉಂತಾದ್ ಡ್ರೈವರ್ ಕರುಣಾಕರೆ ಮೇರ್ ಪರಿಶೀಲನೆ ಮಲ್ತೊಂದುಪ್ಪುನಗ ಇನ್ನೋವಾ ಕಾರ್ ಡ್ರೈವರ್ ಶ್ರವಣ್ ಅಂಬ್ಯುಲೆನ್ಸ್‌ಗ್ ಪಿರವುರ್ದ್ ಎಡ್ತ್‌ದೆರ್.
ನಡಕೆಡ್ ಏರೆಗ್ಲಾ ಗಡಿಕುಲಾದಿಜ್ಜಿಂಡಲಾ ರಡ್ಡ್ ಗಾಡಿಲು ಞಕ್ಕೆ ಆತ. ಪಾಣೇರ್ ಟ್ರಾಫಿಕ್ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.