Last updated on September 14th, 2022 at 06:56 pm
ನಿಟ್ಟೆ ಇಂಜಿನಿಯರಿಂಗ್ ಕಾಲೇಜ್‌ದ ತುಳು ಕ್ಲಬ್ ತುಡರ್ ನೆತ್ತ ಮುತಾಲಿಕೆಡ್ ತುಳುನಾಡ ಪರತಿರಿನ್ ನನ ದುಂಬುದ ಜವನೆರೆಗ್ ಎತ್ತಾವರೆ ತುಡರ ಸಿರಿ ಲೇಸ್ ನಡಪರೆಗುಂಡು. ಈ ಲೇಸ್‌ನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರೆ ದಯಾನಂದ ಕತ್ತಲ್ಸಾರ್ ಉದಿಪನ ಮಲ್ಪರೆ ಉಲ್ಲೆರ್. ಉಂದುವೇ ಪೊರ್ತುಡು ನಿಟ್ಟೆ ಕಾಲೇಜ್‌ದ ಲೈಬ್ರೆರಿಡ್ ತುಳು ಪುಸ್ತಕದ ಘಟಕಲ ಉದಿಪನ ಮಲ್ಪರೆ ಉಲ್ಲೆರ್, ನೆತ್ತ ಒಟ್ಟುಗು ನಿಟ್ಟೆ ರೋಬೋಟಿಕ್ಸ್ ಕ್ಲಬ್ ದಕ್ಲೆನ ರೋಬೋಟ್‌ಗ್ ತುಳುನಾಡ್‌ಗ್ ಸಂಬಂದ ಪಟಿನ ಪುದರ್ ದೀವರೆಗ್ಲಾ ಉಲ್ಲೆರ್.