Last updated on February 5th, 2025 at 08:50 am
ಕಾಪು: ಟಿಪ್ಪರ್ ಬೊಕ್ಕ ಕಾರ್‌ದ ನಡುಟು ನಡತಿನ ಎಡ್ತೆಡ್ ಟಿಪ್ಪರ್‌ರ್ದ್ ಪಿದಯಿ ಲಾಗ್ಯುನ ಪೊರ್ತುಡು ಟಿಪ್ಪರ್‌ದಡಿಕ್ ಬೂರ್ದು ಡ್ರೈವರ್ ತೀರ್ದಿನ ನಡಕೆ ಕಾಪು ತಾಲೂಕ್‌ದ ಶಂಕರಪುರ ದುರ್ಗಾನಗರ ಪನ್ಪಿನಲ್ಪ ಕೋಡೆ, ಅಂಗಾರೆ ಬಯ್ಯಡ್ ನಡತ್‌ದ್ಂಡ್.
ತೀರ್ದಿನ ಡ್ರೈವರ್‌ನ್ ಕೃಷ್ಣ ಪನ್ದ್ ಗುರ್ತಪತ್ತ್‌ದೆರ್. ಶಿರ್ವ ದಂಚಿರ್ದ್ ಕಟಪಾಡಿ ದಂಚಿ ಪೋವೊಂದಿತ್ತಿನ ಟಿಪ್ಪರ್ ಶಂಕರಪುರ ದುರ್ಗಾನಗರಡ್ ಎದುರುರ್ದ್ ಬರೊಂದಿತ್ತಿನ ಕಾರ್‌ಗ್ ಎಡ್ತ್‌ದ್ಂಡ್. ಎಡ್ತೆದ ಬರಸ್‌ಗ್ ಟಿಪ್ಪರ್ ಮಗ್‌ರ್ದಿತ್ತ್‌ದ್ ಈ ಪೊರ್ತುಡು ಟಿಪ್ಪರ್‌ರ್ದ್ ಪಿದಯಿ ಲಾಗ್ಯೆರ ಡ್ರೈವರ್ ಪುನೆದಿತ್ತ್‌ದ್ ಸನಿಟ್ ಟಿಪ್ಪರ್‌ದ ಅಡಿಕ್ ಬೂರ್ದ್ ತೀರ್ದೆರ್ ಪನ್ದ್ ಪನೊಂದುಲ್ಲೆರ್.
ಬಾರೀ ಬರಸ್‌ಡ್ ಗಾಡಿ ಬುಡೊಂದಿತ್ತಿನವೇ ಎಡ್ತೆಗ್ ನೆವನ ಪನ್ದ್ ಪನೊಂದುಲ್ಲೆರ್. ಕಾರ್‌ಡಿತ್ತಿನ ಇರ್ವೆರ್ ಪ್ರಯಾಣಿಕೆರೆಗ್ಲಾ ಗಡಿಕುಲಾತ. ಎಡ್ತೆರ್ದಾವರ ರಡ್ಡ್ ಗಾಡಿಲುಲಾ ಅಲಕ್ಕ ಞಕ್ಕೆ ಆತ.
ಶಿರ್ವ ಪೊಲೀಸ್ ಸ್ಟೇಶನ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.