Last updated on February 5th, 2025 at 02:18 pm
ಬೆಂಗಳೂರು: ಟ್ರಾಫಿಕ್ ರೂಲ್ಸ್‌ಲೆನ್ ಗೆನ್ಪಂದೆ ಸುಮಾರ್ 311 ಪ್ರಕರಣ ದಾಕಲಾದಿತ್ತ್ಂಡಲಾ ಆರಾಮೊಡು ತಿರ್ಗೊಂದಿತ್ತಿನ ಸ್ಕೂಟರ್ ಸವಾರನ್ ಪತ್ತುನೆಟ್ ಬೆಂಗಳೂರು ಟ್ರಾಫಿಕ್ ಪೊಲೀಸೆರ್ ಯಶಸ್ವಿಯಾದಿತ್ತ್‌ದ್, ಆಯರ್ದ್ 1,61,500/- ಫೈನ್‌ನ್ ವಸೂಲಿ ಮಲ್ತ್‌ದೆರ್.
ಉಂಬ್ಯೆ ಹೆಲ್ಮೆಟ್ ಪಾಡಂದೆ ಸ್ಕೂಟರ್ ಬುಡ್ಪುನ ಸೇರ್ದ್ ಸುಮಾರ್ 311 ಸರ್ತಿ ಟ್ರಾಫಿಕ್ ರೂಲ್ಸ್ ಬ್ರೇಕ್ ಮಲ್ತ್‌ದೆ. ಸಾಮಾಜಿಕ ಬಲೆತ್ತಾನೊಡು ಈ ಬಗೆಟ್ ಪೋಟೋಲು ವೈರಲ್ ಆದಿತ್ತ್ಂಡ್. ಆಂಡ ಪೊಲೀಸೆರೆ ಕೈಕ್ ತಿಕ್ಕ್‌ದಿಜ್ಜಂಡ್. ಕೆಲ ದಿನೊರ್ದಿಂಚಿ ಸೋಷಿಯಲ್‌ ಮೀಡಿಯಾಡ್ ಟ್ರಾಫಿಕ್ ಫೈನ್ ಫೋಟೋ ಒಂಜಿ ಭಾರೀ ವೈರಲ್ ಆವೊಂದಿತ್ತ್ಂಡ್. ಆಂಡ ಪೊಲೀಸೆರ್ ಉಂದೆತ ಮಿತ್ತ್ ದಾನೆ ನನಲಾ ಕ್ರಮ ಗೆತೊಂದಿಜೆರ್ ಪನ್ಪಿನ ಆಕ್ರೋಶೊಲಾ ತೋಜಿದ್ ಬತ್ತಿತ್ತ್‌ಂಡ್. ಆಂಡ ಇತ್ತೆ ಕರಿನ 3 ವರ್ಸೊರ್ದಿಂಚಿ ಸಂಚಾರ ನೇಮೊಲೆನ್ ಪೊಲ್ತ್‌ದ್ ರಾಜಾರೋಷೊಡು ತಿರ್ಗೊಂದಿತ್ತಿನಾಯನ್ ಪೊಲೀಸೆರ್ ಪತ್ತ್‌ದ್ ಬ್ರೇಕ್ ಪಾಡ್ಪಾದೆರ್.
ಸ್ಕೂಟರ್ ಸವಾರನ್ ಸ್ಕೂಟರ್‌ದೊಟ್ಟುಗು ಪತ್ತಿನ ಪೊಲೀಸೆರ್ ಆಯರ್ದ್ 311 ಪ್ರಕರಣೊಲೆನ ಒಟ್ಟು 1,61,500/- ದಂಡದ ಕಾಸ್‌ನ್ ಕಟ್ಟಾವೊಂದೆರ್. ಆಂಡ, ಸ್ಕೂಟರ್‌‌ದ ಕಾಸ್‌ರ್ದ್‌ಲಾ ಎಚ್ಚಿನ ಕಾಸ್‌ನ್ ದಂಡ ಆದ್ ಕಟ್ಟ್‌ದಿನ ಇತ್ತೆ ಭಾರೀ ವೈರಲ್ ಆವೊಂದುಂಡು.