Last updated on February 8th, 2025 at 09:36 am
ಬಂಟ್ವಾಳ, ಫೆ.08: ಫ್ಯಾನ್ ರಿಪೇರಿ ಮಲ್ತೊಂದುಪ್ಪುನ ಪೊರ್ತುಡು ಕರೆಂಟ್ ಶಾಕ್ ಆಕ್‌ದ್ ಜವನೆ ಒರಿ ತೀರ್ದಿನ ನಡಕೆ ಬಂಟ್ವಾಳ ತಾಲೂಕ್‌ದ ಸಜೀಪಡ್ ನಡತ್‌ದ್ಂಡ್. ಸಜೀಪಮುನ್ನೂರು ಗ್ರಾಮೊದ ಮಾರ್ನಬೈಲ್ ಪನ್ಪಿನಲ್ಪ ಈ ನಡಕೆ ನಡತ್‌ದ್ಂಡ್.
ಅರಳ ನಿವಾಸಿ ಭವಾನಿಶಂಕರ ಯಾನೆ ರಾಜೇಶ್ ತೀರ್ದಿನಾರ್. ಸಜೀಪಮುನ್ನೂರು ಗ್ರಾಮೊದ ಮಾರ್ನಬೈಲ್ ಪನ್ಪಿನಲ್ಪ ರಾಜೇಶ್ ಸಂಗಡಿನ ಇಲ್ಲಡ್ ಫ್ಯಾನ್ ರಿಪೇರಿ ಮಲ್ತೊಂದುಪ್ಪುನಗ ಕರೆಂಟ್ ಶಾಕ್ ಆಕ್‌ದ್ ಬೂರ್ದೆರ್. ರಾಜೇಶ್ ಮೆರೆನ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಮರ್ದ್ ಪಲಿಪಂದೆ ತೀರ್ದೆರ್. ಬಂಟ್ವಾಳ ನಗರ ಪೋಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.