Last updated on February 16th, 2025 at 04:40 pm
ಕಾರ್ಲ: ಚಾರ್ಚ್‌ಗ್ ದೀತಿನ ಪೋನ್ ಪುಡಾದ್, ಇಡೀ ಇಲ್ಲ್ ಪೊತ್ತುದು ಪೋತಿನ ನಡಕೆ ತೆಲ್ಲಾರ್ ಸಾದಿದ 11ನೇ ಕ್ರಾಸ್‌ದ ಮರತ್ತಪ್ಪ ಶೆಟ್ಟಿ ಕಾಲನಿಡ್ ಕೋಡೆ, ಸನಿಯಾರ ಕಾಂಡೆ ನಡತ್‌ದ್ಂಡ್.
ಮರತ್ತಪ್ಪ ಶೆಟ್ಟಿ ಕಾಲನಿದ ಕಿಶೋರ್ ಕುಮಾರ್ ಶೆಟ್ಟಿ ಪನ್ಪಿನಾರೆನ ಇಲ್ಲಡ್ ಈ ನಡಕೆ ನಡತ್‌ದ್ಂಡ್. ರಡ್ಡ್ ಮಾಲಿಗೆದ 6 ಆದೆತ ಇಲ್ಲಡ್ ಕಾಂಡೆ 4 ಗಂಟೆದ ಅಂದಾಜಿಗ್ ನಡಕೆ ನಡತ್‌ದ್ಂಡ್. ಮೊಬೈಲ್‌ನ್ ಸೋಫಾದ ಮಿತ್ತ್ ದೀದಿತ್ತಿನೆರ್ದಾವರ ಪುಡಯಿನೇ ಸೂ ಪತೊಂದು ಇಡೀ ಇಲ್ಲಗ್ ಪತೊಂದುಂಡು. ಒಲವು ತಿಕ್ಕಿನೆಟ್ಟಿಗೇ ಬತ್ತಿನ ಅಗ್ನಿಶಾಮಕ ದಳೊತ ಸಿಬ್ಬಂದಿ ರಡ್ಡರೆ ಗಂಟೆ ಕಾರ್ಯಾಚರಣೆ ಮಲ್ತ್‌ದ್ ಸೂ ತೆಕ್ಕಾಯೆರ್. ಈ ಪೊರ್ತುಡು ಇಲ್ಲಡ್ ಎಸಿ ಆನ್ ಇತ್ತಿನಲಾ ಸೂ ಇಡೀಕ ಪತ್ತೆರ ನೆವನ ಆಂಡ್.
ಟಿವಿ, ಕಂಡಿ, ಫ್ಯಾನ್, ಮೊಬೈಲ್, ಇಂಟೀರಿಯರ್, ಸೋಫಾ ಸೇರ್ದ್ ಪಾಕ ಪೀಠೋಪಕರಣೊಲು ಸುಡುಸೂಕರಿ ಆತ. ಸುಮಾರ್ 7 ಲಕ್ಷ ರೂ ನಷ್ಟ ಆತ್ಂಡ್ ಪನ್ದ್ ಅಂದಾಜಿ ಪಾಡ್ದೆರ್. ಇಲ್ಲದ ದನಿ ಕಿಶೋರ್ ಕುಮಾರ್ ಶೆಟ್ಟಿ ಮೇರ್ ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತೆರ್.