Last updated on February 20th, 2025 at 04:44 pm
ಒಡಿಪು: ಮಿತ್ರ ಆಸ್ಪತ್ರೆದ ಎದುರುದ ಸಾದಿಡ್ ಇತ್ತಿನ ಬಲ್ಲಾಳ್ ಫೈನಾನ್ಸ್ ದನಿ, ಕಿನ್ನಿಮೂಲ್ಕಿ ಕರ್ನ್ನಪಾಡಿ ನಿವಾಸಿ ಮುರಳೀಧರ್ ಬಲ್ಲಾಳ್ (56) ಮೇರ್ ಗುರುವಾರ ಹಾರ್ಟ್ ಅಟ್ಯಾಕ್ ಆದ್ ತೀರ್ಯೆರ್.
ಮೆಯಿ ಬೆಗರೊಂದುಂಡು, ಬಚ್ಚೊಂದುಂಡು ಪನ್ದ್ ಇಲ್ಲದಕ್ಲೆಡ ಪನ್ಡೊಂದಿತ್ತಿನ ಆರ್, ಒಂತೆ‌ಸಮಾಧಾನ ಆವೊಂದಿತ್ತಿ ಲೆಕನೆ ಒರರ್ದ್ ಒರಾನೆ ಕುಸ್ಕ್‌ದ್ ಬೂರ್ದೆರ್. ಅಪಗನೇ ಇಲ್ಲದಕುಲು ಒಡಿಪುದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಅಲ್ಪದ ಬೈದ್ಯೆರ್ ಪರೀಕ್ಷೆ ಮಲ್ತ್‌ದ್ ಲೆತೊಂದು ಬನ್ನಗನೇ ತೀರ್ದೆರ್ ಪನ್ದ್ ತೆರಿಪಾದೆರ್.
ಮೇರ್ ಬೊಡೆದಿತ್ನಿ, ಒರಿ ಮಗೆ ಒರ್ತಿ ಮಗಲೆನ್ ಅಗತ್‌ದೆರ್.