Last updated on February 21st, 2025 at 11:00 am
ಬೆಂಗಳೂರು: ವಿದ್ಯಾರ್ಥಿಲು ಗ್ರೇಸ್ ಮಾರ್ಕ್‌ದ ಆಸೆ ಬುಡ್ದು ಪಾಸ್ ಆಯೆಲ ಕಮ್ಮಿಡ್ ಶೇ. 35 ಮಾರ್ಕ್ ದೆತೋನೊಡೇ ಪನ್ದ್ ಶಿಕ್ಷಣ ಸಚಿವೆ ಎಸ್. ಮಧು ಬಂಗಾರಪ್ಪೆರ್ ಪನ್ಡೆರ್.
ಎಸ್‌ಎಸ್‌ಎಲ್‌ಸಿ, ಪಿಯುಸಿ ಪರೀಕ್ಷೆಲೆನ ಪ್ರಿಪರೇಟರಿ ಸುದ್ದಿಗೋಷ್ಠಿಡ್ ಪಾತೆರ್ನ ಆರ್, ಕರಿನ ವರ್ಸ ಕಡೀರ ಸರ್ತಿ ವೆಬ್ ಕಾಸ್ಟಿಂಗ್ ಸುರು ಮಲ್ದಿನೆರ್ದಾವರ ಗ್ರೇಸ್ ಮಾರ್ಕ್‌ದ ಒಟ್ಟುಗು ಪಾಸ್ ಆಯೆರ ಗೊತ್ತುಮಲ್ತಿತ್ತಿನ ಕನಿಷ್ಠ 35 ಮಾರ್ಕ್‌ನ್ 25ಕ್ ಜಪ್ಪುಡ್ದಿತ್ತ. ಈ ಗ್ರೇಸ್ ಮಾರ್ಕ್‌ಗ್ ಸಿಎಂ ಸಿದ್ದರಾಮಯ್ಯೆರ್ ಆಕ್ಷೇಪ ತೂಪಾಯಿನೆರ್ದಾವರ ಈ ವರ್ಸ ಗ್ರೇಸ್ ಮಾರ್ಕ್ ಇಪ್ಪುಜಿ. ಕರಿನ ವರ್ಸೊಗು ದುಂಬು, ಪನ್ಡ 2023ಟ್ ಕೊರೊಂದಿತ್ತಿನ ಶೇಕಡ 10ತ ಗ್ರೇಸ್ ಮಾರ್ಕ್ ಮಾಡೆಲ್ ಇಪ್ಪುಜಿ. ಅಂಚಾದ್ ವಿದ್ಯಾರ್ಥಿಲು ಗ್ರೇಸ್ ಮಾರ್ಕ್‌ದ ಬಗೆಟ್ ಮಂಡೆಬೆಚ್ಚ ಮಲ್ಪುನ ಬುಡ್ದು ಪ್ರಾಮಾಣಿಕತೆಟಾ ಓದುದ್ ಪರೀಕ್ಷೆ ಬರೆಯೆರ ಪುನೆಯೊಡು. ಪಾಸ್ ಆಯೆರ ಕಮ್ಮಿಡ್ 35 ಮಾರ್ಕ್ ದೆಪ್ಪೊಡೇ ಪನ್ದ್ ಆರ್ ಪನ್ಡೆರ್.
ಎಸ್‌ಎಸ್‌ಎಲ್‌ಸಿ, ಪಿಯುಸಿ ಪರೀಕ್ಷೆಗ್ ಹಿಜಾಬ್‌ಗ್ ಅವಕಾಶ ಕೊರ್ಪುನ ವಿಚಾರವಾದ್ ಪಾತೆರ್ನ ಸಚಿವೆ ಮಧು ಬಂಗಾರಪ್ಪೆರ್, ಕೇಸ್ ಕೋರ್ಟ್‌ಡ್ ಉಂಡು, ಅಂಚಾದ್ ಯಾನ್ ಉಂದೆತ ಬಗೆಟ್ ಪಾತೆರುಜಿ. ಕೋರ್ಟ್ ದಾದ ಪನ್ಪುಂಡಾ ಅಂಚ ಎಂಕುಲು ನಡತೊನುವ ಪನ್ದ್ ಪನ್ಡೆರ್.