Last updated on February 28th, 2025 at 08:44 am
ಪುತ್ತೂರು: ಮೈನ್‌ರೋಡ್‌ದ ಸೋಜಾ ಮೆಟಲ್ ಮಾರ್ಟ್‌ದ ದನಿ ಅಲೆಕ್ಸ್ ಮಿನೇಜಸ್(69ವ.) ಮೇರ್ ಹಾರ್ಟ್ ಅಟ್ಯಾಕ್‌ ಆದ್ ಫೆ.27 ತಾನಿ ರಾತ್ರೆ ತೀರ್ದೆರ್.
ದರ್ಬೆ ಸಿ.ಟಿ.ಒ ರೋಡ್ ನಿವಾಸಿ, ಉದ್ಯಮಿ ಅಲೆಕ್ಸ್ ಮಿನೇಜಸ್ ಮೇರೆನ್, ಇಲ್ಲಡ್ ಜೋರು ತಿಗಲೆ ಬೇನೆ ತೋಜಿದ್ ಬತ್ತಿನೆರ್ದಾವರ ಪುತ್ತೂರ್‌ದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಆಸ್ಪತ್ರೆಗ್ ಎತ್ತೆರಾನಗ ಆರ್ ತೀರ್ದೆರ್.
ತೀರ್ದಿನ ಅಲೆಕ್ಸ್ ಮಿನೇಜಸ್ ಮೇರ್ ಸೋಜಾ ಮೆಟಲ್ ಮಾರ್ಟ್ ಸಂಸ್ಥೆನ್ ಸುಮಾರ್ 40 ವರ್ಸೊರ್ದಿಂಚಿ ನಡಪಾವೊಂದಿತ್ತ್‌ದ್, ಸಾರ್ವಜನಿಕ ವಲಯೊಡು ಎಡ್ಡೆ ಪುದರ್ ಮಲ್ತಿತ್ತೆರ್. ಮಾಯಿದೆ ದೇವುಸ್ ಚರ್ಚ್‌ದ ಡೊನ್ ಬೊಸ್ಕೊ ಕ್ಲಬ್ ಬೊಕ್ಕ ಕ್ರಿಶ್ಚಿಯನ್ ಲೈಫ್ ಕಮ್ಯೂನಿಟಿದ ಸ್ಥಾಪಕ ಪದುಕೆರಾದಿತ್ತೆರ್.
ಅಲೆಕ್ಸ್ ಮಿನೇಜಸ್ ಮೇರ್ ಕಾಲಿ ಧಾರ್ಮಿಕ ಕ್ಷೇತ್ರೊಡು ಮಾತ್ರ ಅತ್ತಂದೆ, ಶೈಕ್ಷಣಿಕ, ಸಾಮಾಜಿಕ ಕ್ಷೇತ್ರೊಡ್ಲಾ ಸಮಾಜ ಸೇವೆದ ಮುಕೇನ ಪುರದರಾದಿತ್ತೆರ್.
ಮೇರ್ ಬೊಡೆದಿ ಡೊರತಿ ಮಿನೇಜಸ್, ಮಗೆ ದೀಪಕ್ ಮಿನೇಜಸ್, ಮಗಲರ್ಲು ದೀಪ್ತಿ ಮಿನೇಜಸ್, ದಿವ್ಯ ಮಿನೇಜಸ್, ಮರ್ಮಲ್ ಶರಲ್ ಮಿನೇಜಸ್, ಮರ್ಮಯನಕ್ಲು ಅರುಣ್ ಕ್ರಾಸ್ತಾ, ರೇಶಲ್ ರೇಗೊ ಬೊಕ್ಕ ಪುಲ್ಲಿಯರ್ಲೆನ್ ಅಗತ್‌ದೆರ್.
