Last updated on February 28th, 2025 at 10:43 am
ರಾಮಕುಂಜ: ಕಡಬ ತಾಲೂಕ್ ರಾಮಕುಂಜ ಗ್ರಾಮೊದ ಗೋಳಿತ್ತಡಿ ಪನ್ಪಿನಲ್ಪ ಬುಲೆಟ್ ಬೈಕ್ ಬೊಕ್ಕ ರಿಕ್ಷಾ ಎಡ್ತೊಂದು ರಿಕ್ಷಾ ಡ್ರೈವರ್ ಬೊಕ್ಕ ಬೈಕ್ ಬುಡೊಂದಿತ್ತಿನ ಇರ್ವೆರೆಗ್ಲಾ ಗಾತಿದ ಗಡಿಕುಲಾದ್ ಆಸ್ಪತ್ರೆಗ್ ಲೆತೊಂದು ಪೋತಿನ ನಡಕೆ ಇನಿ ಕಾಂಡೆ ಸುಮಾರ್ 10:10 ತ ಅಂದಾಜಿಗ್ ನಡತ್‌ದ್ಂಡ್.
ಗೋಳಿತ್ತಡಿಡ್ ಶಾರದಾನಗರಗ್ ಪೋಪಿನ ಸಾದಿದಲ್ಪ ಉಂತಾದಿತ್ತಿನ ರಿಕ್ಷಾನ್, ಸ್ಟ್ಯಾಂಡ್‌ದಂಚಿ ಪೋಯೆರ ಮೈನ್ ರೋಡ್‌ಗ್ ಕನತ್‌ದೆರ್. ಉಬಾರ್‌ದಂಚಿರ್ದ್ ಕೊಂತೂರ್‌ಗ್ ಪೋವೊಂದಿತ್ತಿನ ಬುಲೆಟ್ ಒರರ್ದ್ ಒರಾನೆ ಮೈನ್‌ರೋಡ್‌ಗ್ ಬತ್ತಿನ ರಿಕ್ಷಾಗ್ ಎಡ್ತ್‌ದ್ ಬೂರ್ದ್ಂಡ್.
ಎಡ್ತೆದ ಬರಸ್‌ಗ್ ರಿಕ್ಷಾದ ಗ್ಲಾಸ್ ರಟ್ಟ್‌ದ್ ರೋಡ್‌ದ ಕುಡೊಂಜಿ ಮರ್ಗಿಲ್‌ಡ್ ಬೂರ್ದ್ಂಡ್, ಎದುರು ಮೆಯಿ ಞಕ್ಕೆ ಆತ್ಂಡ್.
ಜಾಗೆಡ್ ಜನ ಸೇರ್ದಿತ್ತ್‌ದ್, ರಡ್ಡ್ ಜನ ಪೆಟ್ಟಾತಿನಕಲೆನ್ಲಾ ಆಸ್ಪತ್ರೆಗ್ ಲೆತೊಂದು ಪೋತೆರ್. ಗೋಳಿತ್ತಡಿದ ಈ ಜಾಗೆ ಅಂಚೆನೇ ಉಂದೆರ್ದ್ ಒಂತೆ ತಿರ್ತ್‌ದ ತಿರ್ಗೆಲ್‌ಡ್ ಅಪಗಪಗ ಎಡ್ತೆಲು ನಡತೊಂದುಪ್ಪುನೆರ್ದಾವರ ಮುಲ್ಪ ಒಂಜಿ ಬ್ಯಾರಿಕೇಡ್ ಅತ್ತ್ಂಗ ಹಂಪ್ಸ್ ಪಾಡ್ಪಾವೊಡು ಪನ್ದ್ ಜನ ಕೇನೊಂದುಲ್ಲೆರ್.
