Last updated on March 6th, 2025 at 05:03 pm
ಒಡಿಪು, ಮಾ.06 : ಒಡಿಪು ಅಂಬಲಪಾಡಿದ ಗ್ಲೋವಿನ್‌ಸ್ಟಾರ್ ಇಂಟಿಗ್ರೇಟೆಡ್ ಸ್ಕೂಲ್‌ದ 9ನೇ ಕ್ಲಾಸ್‌ದ ರೂಪೇಶ್ ಎನ್ ಸಾಲಿಯಾನ್ ಪನ್ಪಿನ ವಿದ್ಯಾರ್ಥಿ ಒಂಜಿ ನಿಮಿಷೊಡು (teenagers) ಎಚ್ಚಿನ ಪುಶ್‌ಅಪ್‌ಲೆನ್ ಮಲ್ತ್‌ದ್ ವಿಶ್ವ ದಾಖಲೆನ್ ಮಲ್ತ್‌ದೆರ್. ಒಂಜಿ ನಿಮಿಷೊಡು 109 ಪುಶ್ಅಪ್‌ ಮಲ್ತ್‌ದ್ ಅ್ಂದೆಕ್ ದುಂಬು ಇತ್ತಿನ 104 ಪುಶ್ಅಪ್‌ದ ಪರ ದಾಖಲೆನ್ ಆಕ್‌ದೆರ್.
ಅಂತರರಾಷ್ಟ್ರೀಯ ದಾಖಲೆಲೆನ ಮಸ್ತಿರೆ ಜವನ ಪ್ರತಿಭೆ ರೂಪೇಶ್ ಮೆರೆಗ್ ಪ್ರಮಾಣಪತ್ರ ಬೊಕ್ಕ ಪದಕ ಕೊರ್ದು ಮಾನಾದಿಗೆ ಮಲ್ದ್ಂಡ್. ರೂಪೇಶ್ ಎನ್. ಸಾಲಿಯಾನ್ ಮೇರ್ ಈ ವಿಶ್ವ ದಾಖಲೆನ್ ಸಾಧಿಪುನಗ 15 ವರ್ಷ, 2 ತಿಂಗೊಳು ಬೊಕ್ಕ 28 ದಿನ ಪ್ರಾಯದಾರ್ ಆದಿತ್ತೆರ್.