Last updated on March 8th, 2025 at 04:30 pm
ಉಡುಪಿ, ಮಾ. 08: 70 ವರ್ಸ ಪ್ರಾಯೊದ ಅಬ್ಬ ಒರ್ತಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಒಡಿಪುದ ಓಕುಡೆ ಲೇಔಟ್, 6 ನೇ ಕ್ರಾಸ್ ದಲ್ಪ ನಡತ್‌ದ್ಂಡ್.
ತೀರ್ದಿನಾರೆನ್ ಕಾವೇರಿ (70) ಪನ್ದ್ ಗುರ್ತ ಪತ್ತ್‌ದೆರ್. ಮೇರ್ ಆತ್ಮಹತ್ಯೆ ಮಲ್ತೊನ್ರ ಪತ್ತ ನೆವನ ನನಲ ತೆರಿದ್ ಬೈದಿಜಿ.
ನಗರ ಪೊಲೀಸ್ ಸ್ಟೇಶನ್‌ದ ಪಿಎಸ್‌ಐ ಗೋಪಾಲಕೃಷ್ಣ ಜೋಗಿ, ಎಎಸ್‌ಐ ಸುಭಾಷ್ ಕಾಮತ್, ಹೆಡ್ ಕಾನ್ಸ್ಟೇಬಲ್ ಸುಷ್ಮಾ ಮೊಕುಲು ಸಾಮಾಜಿಕ ಕಾರ್ಯಕರ್ತೆ ನಿತ್ಯಾನಂದ ವೊಳಕಾಡ್ ಮೆರೆನ ಸಕಾಯೊಡು ಕಾನೂನು ಪ್ರಕ್ರಿಯೆ ನಡಪಾಯೆರ್. ಮೃತದೇಹೊನು ಮರಣೋತ್ತರ ಪರೀಕ್ಷೆಗ್ ಜಿಲ್ಲಾ ಆಸ್ಪತ್ರೆಗ್ ಕೊನೊತೆರ್.
ಒಡಿಪು ನಗರ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.