Last updated on March 9th, 2025 at 08:36 am
ಬಂಟ್ವಾಳ: ಅಪ್ರಾಪ್ತ ಪ್ರಾಯೊದ ಜೋಕುಲೆಗ್ ಗಾಡಿ ಕೊರ್ಪುನವು ಅಪರಾಧ ಬೊಕ್ಕ ಅಪ್ರಾಪ್ತೆರ್ ಗಾಡಿ ಬುಡ್ಪುನ ತಪ್ಪು ಪನ್ದ್ ಪಿನ್ಪಿತ್ತ್ಂಡಲಾ ಅಪರಾಧ ಪ್ರಕರಣೊಲು ಎಚ್ಚನೇ ಆವೊಂದುಲ್ಲ. ಬಂಟ್ವಾಳ ತಾಲೂಕ್‌ದ ಟ್ರಾಫಿಕ್ ಪೊಲೀಸೆರ್ ಉಂದೆತ ವಿರುದ್ಧ ಕಾರ್ಯಾಚರಣೆ ಮಲ್ತೊಂದುಲ್ಲೆರ್.
ಅಡಿಷನಲ್‌ ಸಿವಿಲ್ ನ್ಯಾಯಂತಡೆ ಬೊಕ್ಕ ಜೆಎಂಎಫ್‌ಸಿ ಬಂಟ್ವಾಳ ಅಪ್ರಾಪ್ತ ಪ್ರಾಯೊದ ಮಗಕ್ ಸ್ಕೂಟರ್ ಕೊರ್ತಿನ ಪ್ರಕರಣೊಗು ಸಂಬಂಧಿತ್‌ದ್ ಆರೋಪಿನ ಅಮ್ಮಗ್ 26500 ರೂ. ದಂಡ ಪಾಡ್ದ್ಂಡ್.
ಬಂಟ್ವಾಳ ಟ್ರಾಫಿಕ್ ಪೊಲೀಸೆರೆಗ್ ಬಿ.ಸಿ.ರೋಡ್ ಗೂಡುದಬರಿ ನಿವಾಸಿ ಸಯ್ಯಾದ್ ಇಮ್ತಿಯಾಜ್ ಮೆರೆನ ಮಗೆ ಸ್ಕೂಟರ್ ಬುಡೊಂದುಪ್ಪುನಗ ತಿಕ್ಕ್‌ದ್ ಬೂರ್ದಿತ್ತೆ, ಅಂಚ ನ್ಯಾಯಂತಡೆ ಆರ್‌ಸಿ ಓನರ್ ಆದುಪ್ಪುನ ಅಮ್ಮೆರೆಗ್ ದಂಡ ಪಾಡ್ದ್ಂಡ್.