Last updated on March 13th, 2025 at 07:29 am
ಒಡಿಪು, ಮಾ. 13: ಕೆಲ ದಿನೊಕು ದುಂಬು ಮಣಿಪಾಲ ಪೊಲೀಸೆರ್ ಬೊಕ್ಕ ನೆಲಮಂಗಲದ ಪೊಲೀಸೆರೆ ಕೈರ್ದ್ ತಪ್ಪಾದಿತ್ತಿನ ಗರುಡ ಗ್ಯಾಂಗ್ದ ಇಸಾಕ್ನ ಕಾರ್ಗ್ ಪೋಲೀಸೆರ್ ಶೂಟ್ ಮಲ್ತ್ದೆರ್. ಪೆರಿಯಡ್ಕಡ್ ಪೊಲೀಸೆರೆರ್ದ್ ಕುಡ ತಪ್ಪಾಯೆರ ತೂಯಿನ ಇಸಾಕ್ನ ಕಾರ್ಗ್ ಫೈರಿಂಗ್ ಮಲ್ತ್ದೆರ್.
ಇಂಚಿಪ ಬೆಂಗಳೂರು ಪೊಲೀಸೆರೆರ್ದ್ ತಪ್ಪಾದ್ ಬತ್ತಿತ್ತಿನ ಇಸಾಕ್ ಮಣಿಪಾಲಡ್ ತೂಯೆರ ತಿಕ್ಕ್ದಿತ್ತೆ. ಕಲ್ವೆದ ಪ್ರಕರಣ ಒಂಜೆಟ್ ಮಣಿಪಾಲ ಪೊಲೀಸೆರ್ ಇಸಾಕ್ನ ಬೆರಿ ಪತ್ತ್ದಿತ್ತೆರ್. ಆಂಡ ಪೊಲೀಸೆರೆರ್ದ್ ತಪ್ಪಾವುನ ಪೊರ್ತುಡು ಆ್ಯಕ್ಸಿಡೆಂಟ್ ಮನ್ಪಾದ್, ಇಸಾಕ್ ದೆಂಗ್ತಪ್ಪಾದಿತ್ತೆ. ಆಯನ್ ಪೋಲೀಸೆರ್ ನಾಡೊಂದಿತ್ತೆರ್.
ಈ ನಡುಟು ಬುದಾರ ಮಧ್ಯಾಹ್ನ ಹಾಸನ ಜಿಲ್ಲೆದ ಚನ್ನರಾಯಪಟ್ಟಣ ಪೊಲೀಸ್ ಸ್ಟೇಶನ್ ಸೀಮೆಡ್ ಆರೋಪಿ ಇಸಾಕ್ ಸೇರ್ದ್ ಒಟ್ಟು ನಾಲ್ ಜನನ್ ಮಣಿಪಾಲ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್. ಅವೆರ್ದ್ ಬೊಕ್ಕ ಆರೋಪಿಲೆನ್ ಚನ್ನರಾಯಪಟ್ಟಣರ್ದ್ ಮಣಿಪಾಲಗ್ ಲೆತಬನ್ನಗ ಒಡಿಪು ಜಿಲ್ಲೆದ ಪೆರಿಯಡ್ಕ ಪೊಲೀಸ್ ಸ್ಟೇಶನ್ ಸೀಮೆದ ಗುಡ್ಡೆಅಂಗಡಿ ದಲ್ಪ ಬಯ್ಯಡ್ ಆರೋಪಿ ಇಸಾಕ್ ಪಡಿಕೆದ ನೆವನ ಕೊರ್ದು ತಪ್ಪಾವೊನ್ರ ತೂತೆ. ಪೊಲೀಸೆರೆರ್ದ್ ತಪ್ಪಾವೊನುನ ಬೇಲೆಡ್ ಮಣಿಪಾಲದ ಪೊಲೀಸ್ ಸಿಬ್ಬಂದಿಗ್ಲಾ ಹಲ್ಲೆ ಮಲ್ತ್ದೆ. ಈ ಪೊರ್ತುಡು ಪೊಲೀಸೆರ್ ಆರೋಪಿನ ಕಾರ್ಗ್ ಫೈರಿಂಗ್ ಮಲ್ತ್ದೆರ್. ಇತ್ತೆ ಪೆಟ್ಟಾತಿನ ಇಸಾಕ್ನ್ ಆಸ್ಪತ್ರೆಗ್ ದಾಕಲ್ತ್ದೆರ್.